Cóbreces
From Wikipedia, the free encyclopedia
Cóbreces ye una llocalidá del conceyu d'Alfoz de Lloredo (Cantabria, España). Nel añu 2014 cuntaba con una población de 569 habitantes (según l'INE), distribuyida nos barrios de Rivero, Quintanilla, Quintana, Los Corrales, El Pino, Somavia, San Roque y Luaña. Allúgase a 3 km de Novales, la capital municipal.
Cóbreces | |
---|---|
Alministración | |
País | España |
Autonomía | Cantabria |
Conceyu | Alfoz de Lloredo |
Tipu d'entidá | llocalidá |
Códigu postal |
39320 |
Xeografía | |
Coordenaes | 43°22′13″N 4°12′07″W |
Altitú | 80 m |
Demografía | |
Población | 567 hab. (2022) |
Porcentaxe |
100% de Alfoz de Lloredo 0.1% de Cantabria 0% de España |
Celébrense nesta llocalidá les fiestes de Santa Ana (26 de xunetu), San Pedrucu (1 d'agostu) y San Roque (16 d'agostu) nes que dancien los picayos. Amás, l'últimu sábadu d'agostu celebra la pelegrinación a la ermita de Virxe de la Peña, que falta 18 km, y que supón un festivu paséu travesando montes y valles en cumplimientu d'una promesa que fixo'l pueblu de Cóbreces por que la Virxe llibrára-yos d'una epidemia. Por Cóbreces pasa'l Camín de Santiago de la Mariña y la regata de La Conchuga, siendo'l nome del regueru que dixebra al conceyu d'Alfoz de Lloredo col vecín de Ruiloba y que va dar a la sablera de Luaña, única del conceyu. Esta sablera de Luaña o de Cóbreces ye de sable finu y mide unos 300 metross d'anchu en baxamar, y 70 metros d'anchu en pleamar. Tamién ye famosu'l quesu de Cóbreces qu'ellaboren los monxos cistercienses con lleche de vaca.
Na Edá Media, Cóbreces perteneció al señoríu de los Nueve Valles d'Asturies de Santillana que s'aniciara como una tenencia, depués pasaría a ser una behetría pa convertise nun pequeñu señoríu litigado por dellos llinaxes — aniciando'l Pleitu de los Nueve Valles — anque por pidimientu de los sos fidalgos naturales consiguiera ser nomáu «Villa de Realengu» en 1581 y darréu como tal pasaría a conformar en 1585 a la provincia de los Nueve Valles y depués por unión d'otros territorios a la nominal provincia de Cantabria que se constituyó'l 28 de xunetu de 1778, perteneciendo d'esta forma al conceyu de Ruiloba y al partíu xudicial de San Vicente de la Barquera. Ente 1785 y 1833 formó parte de la intendencia de Burgos, y en dómines contemporanees dicha provincia cántabra pasaría a ser una comunidá autónoma, depués de la Llei Orgánica del Estatutu d'Autonomía de Cantabria que s'aprobaría'l 30 d'avientu de 1981.