Bruce Willis
actor estauxunidense / From Wikipedia, the free encyclopedia
Walter Bruce Willis (19 de marzu de 1955, Idar-Oberstein) ye un actor y productor d'Estaos Xuníos, que la so trayeutoria empezó na industria televisiva mientres los años 80 y, de magar, apaeció en películes onde interpreta roles risibles, dramáticos y d'aición. Ye conocíu pola so interpretación del oficial John McClane na serie Die Hard na que llogró bones crítiques y una recaldación considerable a partir del estrenu de la primer cinta en 1988.[10][11] Coles mesmes, apaeció en más de sesenta film, ente los que s'inclúin ésitos de taquilla como Pulp Fiction, Sin City, Twelve Monkeys, Le Cinquième Élément, Armageddon, The Sixth Sense y The Expendables.
Les películes nes qu'apaeció Willis llograron sumar de 2,64 a 3,05 mil millones de dólares nes taquilles d'Estaos Xuníos, polo que se-y considera como unu de los actores más rentables nun rol estelar o secundariu.[12][13] Poles sos interpretaciones, foi acreedor de dellos premios, ente ellos dos premios Emmy, un Globu d'Oru y cuatro Saturn.[14]
Tocantes a la so vida privada, casóse cola actriz Demi Moore,[15] con quien tuvo tres fíos primero que se divorciaren en 2000,[16] dempués de trece años de matrimoniu;[17] tiempu dempués casóse cola modelu Emma Heming.[18]