From Wikipedia, the free encyclopedia
British American Racing, davezu citáu como BAR, foi un equipu de Fórmula 1 qu'ingresó na categoría en 1999. La escudería debe'l so nome a la tabacalera British American Tobacco, tamién conocida poles sos iniciales (BAT), que foi la dueña del equipu hasta la so venta a Honda, que decidió camudar de nome a la escudería.
British American Racing | |
|---|---|
_qualifying_at_USGP_2005.jpg) | |
| Situación | |
| Estáu | Reinu Xuníu |
| Datos | |
| Tipu |
Formula One team (en)  |
|
Web oficial | |
 | |
Les marques rellacionaes cola BAT tuvieron arreyaes na categoría mientres llargu tiempu, al traviés del auspicio de distintos equipos. En 1997, Craig Pollock convenció a la compañía de la conveniencia d'adquirir una escudería de Fórmula 1. La eleición recayó en Tyrrell, pola cual Pollock y la BAT desembolsaron cerca de 47 millones de dólares. Oficialmente, l'equipu compitió so la denominación de Tyrrell en 1998, hasta que se tresformó en BAR al añu siguiente.
Nel so papel de direutor del equipu, Pollock llogró faese de los servicios del campeón de la categoría del añu 1997, Jacques Villeneuve, en cuenta de un codalosu contratu. Pollock fuera representante del pilotu nos años anteriores, polo que la eleición paeció obvia. Villeneuve foi acompañáu pol debutante Ricardo Zonta, y magar que Pollock agoró un bon añu pal equipu, la escudería nun tuvo al altor de les mires: nun llogró un solu puntu en tola temporada, y foi superada hasta por Minardi, equipu con un presupuestu considerablemente menor.
Na so primer temporada nel equipu, Villeneuve empezó con 11 abandonos, llogrando depués un octavu puestu como meyor allugamientu. Zonta perdióse 3 carreres por una mancadura, y tamién llogró la so meyor posición con un octavu llugar. Pa cuelmu, el so reemplazante mientres esos trés carreres, Mika Salo, llogró allugar la so monoplaza nun séptimu llugar nuna d'elles.
En compitiendo con motores Supertec en 1999 (motores Renault reciclaos), l'equipu robló un contratu por que Honda fuera'l so provisor de propulsores nel 2000.[1] Con Honda, l'equipu ganó en fiabilidá y competitividá, anque'l meyor resultáu llográu nel añu foi un cuartu llugar. A pesar de la bultable meyora con respectu al añu anterior, el cuartu llugar compartíu nel campeonatu de constructores nun yera lo que los dueños del equipu imaxinaren.
Villeneuve llogró dos podios en 2001 n'España y Alemaña, anque lo llograo por él y pol so nuevu compañeru Olivier Panis nun foi abondu, y Pollock tuvo d'alloñar de la conducción de la escudería. BAR terminó sestu nel campeonatu de constructores tres Jordan.
Sol mandu de David Richards a partir de 2002,[2] les males raches siguieron col modelu BAR 004. Villeneuve tenía de lluchar en demasía pa llograr dalgún puntu, al igual que Olivier Panis, a pesar de les altes mires del equipu.[3] Dambos llograron el so meyor resultáu en Silverstone con un cuartu y un quintu llugar respeutivamente. La escudería terminó nel octavu llugar del campeonatu de constructores.
En 2003 Jenson Button reemplazó a Panis nel equipu. El pilotu inglés foi'l que llogró los meyores resultaos pal equipu (dos cuartos puestos n'Austria y Xapón), ya inclusive llegó a liderar delles vueltes en Indianápolis, hasta que'l so motor averióse. La falta de resultaos per parte de Villeneuve determinó'l so reemplazu col pilotu xaponés Takuma Satō pal Gran Premiu de Xapón.[4] A pesar de que'l xasis utilizáu na Temporada 2003 de Fórmula 1 yera consideráu unu de los meyores de la categoría, l'equipu sufrió pol fechu de montar cubiertes Bridgestone. Tres el fin de la temporada, la escudería migró escontra Michelin, buscando aprovechar el potencial del auto.
En 2004, la suerte camudó pa BAR, yá que Button llogró dellos podios ya inclusive la primera pole position pal equipu, nel Gran Premiu de San Marín d'esi añu. La escudería lluchaba pol segundu llugar na copa de constructores, y a pesar de los rumores semaos sobre'l futuru de Jenson Button (tantu Williams como BAR sosteníen fichalo pa la temporada siguiente), l'equipu y el pilotu amosaron gran profesionalismo al dexar eses coses de llau al momentu de les competencies. Finalmente, BAR llogró'l subcampeonatu de constructores y retuvo al nuevu pilotu inglés, anque nun se llograron victories. Jenson Button terminó terceru nel campeonatu de pilotos, y Takuma Sato terminó octavu.
Xunto coles cada vez más importantes restricciones a les publicidaes de tabacu na categoría, surdieron los rumores de venta de la escudería per parte de la BAT. A mediaos de payares de 2004, la tabacalera anunció qu'Honda adquiriera'l 45% del equipu. Como parte del alcuerdu, producióse l'alloñamientu del direutor deportivu David Richards.[5]
Tres el Gran Premiu de San Marín, la FIA esixó la espulsión del equipu BAR por utilizar un coche con menor pesu mientres esa carrera. Amás, solicitó una multa de 1 millón d'euros pa la escudería.
La Federación Internacional del Automóvil atopó que l'equipu utilizara un depósitu de combustible ocultu, con capacidá pa nueve kg de combustible, que-y otorgaba la ventaya de llevalo vacíu na carrera (y per ende un auto más llixeru), y namái s'enllenaba nel últimu repostaxe pa cumplir col reglamentu na pesadura obligatoria tres el Gran Premiu.
L'acusación foi realizada pol comisariu xefe de la FIA, Charlie Whiting, ante un órganu de cuatro xueces independientes de la Corte d'Apelación Internacional. En tantu, los representantes de BAR aseguraron que non contravinieron nenguna norma, de la que cuestionaron el procesu de pesadura.
Finalmente, el tribunal decidió descalificar a la escudería del Gran Premiu de San Marín y suspendela pa les carreres d'España y Mónacu.[6]
Pa la temporada 2006, Takuma Satō abandonó l'equipu al nun ser anováu y Rubens Barrichello ocupó'l so llugar.[7]
A principios d'ochobre de 2005, l'equipu anunció que Honda pasaba a tener el control 100% de la escudería, qu'hasta agora tenía'l 45%, reemplazando a la tabacalera British American Tobacco, creadora del equipu.[8] En payares de 2005, Honda anunció'l nuevu nome del equipu: Honda Racing F1.
| Escuderíes |  Tyrrell Racing |
British American Racing |
 Honda Racing F1 |
Brawn GP |
 Mercedes GP |
Mercedes AMG F1 Team |
|---|---|---|---|---|---|---|
| Temporaes | 1970-1998 | 1999-2005 | 2006-2008 | 2009 | 2010-2011 | 2012-Presente |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
