From Wikipedia, the free encyclopedia
Les Brigaes de Ezzeldin Al-Qassam (n'árabe: كتائب الشهيد عز الدين القسام, Katāʾib al-shahīd ʿIzz al-Dīn al-Qassām) son el brazu armáu de la organización islamista palestina Hamás. Les Brigaes fueron creaes en 1992 so la direición de Yahya Ayyash coles mires de crear una estructura militar qu'ayudara a llograr los oxetivos de la organización islamista, y evitar la consecución de los Alcuerdos d'Oslu. Hasta 2004 llevaron a cabu numberosos atentaos suicides en territoriu israelín, causando centenares de muertos, la mayoría d'ellos civiles. Darréu modificaron la so estratexa d'ataques, abandonando los atentaos suicides pol llanzamientu de cohetes Qassam y de pieces de morteru dende la Franxa de Gaza contra'l sur d'Israel, que causaron hasta'l momentu decenes de muertos y daños de distinta considerancia en ciudaes israelines como Ascalón, Netivot y Asdod. Tamién siguieron los sos ataques contra les Fuercies de Defensa d'Israel, prindando a unu de los sos miembros en 2006. Tres l'entamu de la ofensiva israelín sobre Gaza de 2008-2009, les Brigaes empezaron a utilizar cohetes Grad y Katyusha, de mayor algame y poder destructivu que los Qassam.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Brigaes Ezzeldin Al-Qassam | |
---|---|
كتائب الشهيد عز الدين القسام (ar) | |
ala militar (es) ![]() | |
![]() | |
Llocalización | |
Sede | Franxa de Gaza |
Direición | Estáu de Palestina |
Historia | |
Fundación | 1992 |
Fundador |
Salah Shehade (es) ![]() Abbas al-Sayyed (es) ![]() Mahmoud al-Mabhouh (es) ![]() Emad Akel Yahya Ayyash (es) ![]() |
Orixe del nome |
Izzedin al-Qassam (es) ![]() |
Forma parte de | |
Bolsa de valores | Hamas |
Web oficial | |
![]() |
Dende l'entamu de la Segunda Intifada, les Brigaes de Ezzeldin Al-Qassam convirtiéronse n'unu de los principales oxetivos d'Israel, qu'esanició a mamplén de los sos miembros por aciu asesinatos selectivos y otres operaciones en territoriu palestín, incluyendo a dellos de los sos líderes.[1] Les Brigaes de Ezzeldin Al-Qassam fueron catalogaes como terroristes pola Xunión Europea,[2] Estaos Xuníos,[3] Australia[4] y el Reinu Xuníu.[5]
El 31 de xineru de 2015 Tribunal de Cuestiones Urxentes d'El Cairu declarar illegal por ser una organización terrorista.[6]