![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/Gold_coin_of_Boran%252C_daughter_of_Khusrau_II.jpg/640px-Gold_coin_of_Boran%252C_daughter_of_Khusrau_II.jpg&w=640&q=50)
Boran
From Wikipedia, the free encyclopedia
Boran (según les fontes clásiques) o Purandokht foi xunto cola so hermana y socesora Azarmedukht[1] una de los dos reines del Imperiu sasánida y una de los 14 gobernantes que s'asocedieron en namái 5 años, fía mayor de Cosroes II.[2][1][3] Reinó ente los años 630 y 631,[2][3] (otres versiones: 629-630;[4] 629-631[5]) tres la muerte del xeneral Sharvaraz, ya intentó restablecer la paz nel convulsu imperiu per aciu l'aplicación más rigorosa de la xusticia, la reconstrucción de les infraestructures y la baxada de los impuestos; pesie atolos sos esfuercios nun consiguió centralizar el poder na realeza, amenorgáu poles guerres civiles, y el so reináu pasó a la historia como caóticu.[1]
Boran![]() | |||||
---|---|---|---|---|---|
![]() | |||||
xunu 631 (Gregorianu) - 16 xunu 632 ← Azarmedukht - Yazdgerd III (es) ![]()
17 xunu 629 - 16 xunu 630 ← Sharvaraz (es) ![]() ![]() | |||||
Vida | |||||
Nacimientu | 590 | ||||
Nacionalidá | Imperiu sasánida | ||||
Muerte |
Ctesifonte (es) ![]() | ||||
Causa de la muerte |
estrangulamiento (es) ![]() | ||||
Familia | |||||
Padre | Cosroes II | ||||
Madre | Maria | ||||
Casada con |
Sharvaraz (es) ![]() | ||||
Fíos/es |
Nika Perská (es) ![]() | ||||
Hermanos/es |
| ||||
Pueblu |
Casa de Sasan (es) ![]() | ||||
Oficiu | reina, política | ||||
Creencies | |||||
Relixón | Zoroastrismu | ||||
![]() |
Poco dempués sume de los testos, nun sabiéndose cómo morrió, si abdicó o foi asesinada.[1] Ye recordada por haber roblao un tratáu de paz col emperador bizantín Heracles, dando fin mientres un tiempu a una serie de xabaces guerres;[6][3] pa ello unvió una delegación nel añu 630 a Alepo, formada por altos dignatarios de la católica Ilesia del Este (depués llamada nestoriana, una de les antigües Ilesies orientales), lideraos pol patriarca Ishoyahb II.[7]
El gran poeta persa Ferdousí fala de la reina nel so poema épicu Shahnameh (El llibru de los reis) como dada a alicar la memoria y el prestíu del so padre, que baxo'l so gobiernu, l'Imperiu Sasánida consiguió la so mayor estensión territorial.
Inda güei da nome a un grupu de platos de cocina (borani) basaos nel yogur, por cuenta de la so afición a les comíes tresnaes con yogur y verdures, qu'encargaba a los cocineros reales.[8]