Barlovento (La Palma)

Barloventu ye una llocalidá y conceyu español perteneciente a la provincia de Santa Cruz de Tenerife, comunidá autónoma de Canaries. Ta asitiáu nel norte de la islla de La Palma.

Barlovento
Alministración
País	España
Autonomía	Canaries
Provincia	Provincia de Santa Cruz de Tenerife
Tipu d'entidá	conceyu d'España
Capital	Barlovento (es)
Alcalde de Barlovento (es)	Jacob Anis Qadri Hijazo
Nome oficial	Barlovento (es)
Nome llocal	Barlovento (es)
Xeografía
Coordenaes	28°49′38″N 17°48′14″W
Superficie	43.55 km²
Llenda con	Garafía, El Paso y San Andrés y Sauces
Altitú media	550 m
Demografía
Población	1944 hab. (2023)
Densidá	44,64 hab/km²
Más información
Estaya horaria	UTC+01:00
barlovento.es

Tien una estensión de 43,55 km² y una población de 1.910 habitantes (INE, xineru de 2015). La so altitú ye de 548 metros sobre'l nivel del mar. Tien un llargor de mariña de 6,43 km.

Historia

L'actual conceyu de Barloventu coincide col cantón o señoríu prehispánicu de Tagaragre. A la finalización de la conquista l'Adelantráu dio en realizar los repartimientos de tierres y agües ente los participantes nes campañes. Nel añu 1508 Alonso Fernández de Lugo dio en repartimientu al so sobrín, Pedro Fernández Señorino, quince cahíces de sembradura nel términu de Barloventu.

Panorámica de Barloventu.

Al traviés del puertu de Talavera, Barloventu incorporase al comerciu triangular característicu de les islles tres la colonización. El fin del ciclu azucreru, a finales del XVI y el XVII marca l'entamu de la sustitución de los cañaverales polos viñeos, convirtiendo al vinu nel principal productu de la economía esportadora.

Cola aplicación de lo establecio na Constitución aprobada poles Cortes de Cádiz, en 1812, Barloventu tuvo Conceyu propiu.

Llugares d'interés

Conos volcánicos. Esisten en Barloventu varios conos y cráteres de volcanes bien antiguos. Destaca'l de La Llaguna, asitiáu na parte alta del pueblu. Nesti cráter atopa la mayor presa de la islla con capacidá pa 3,5 millones de m³. Al pie de esti banzáu, alcuéntrase un ampliu espaciu recreativu que dispón de parque infantil, zona d'acampada, fogones, meses y otros servicios

Edificios relixosos. La ilesia de Ntra. Sra. del Rosario, asitiada nel cascu urbanu, ye l'edificiu relixosu más relevante. Construyíu nel sieglu XVI, nel so interior alluga la interesante talla flamenca, datada tamién nel sieglu XVI, de la imaxe de Ntra. Sra. del Rosario, patrona de la llocalidá. Tamién ye interesante visitar la Ilesia de Estanislao.

Piscines de La Fajana. Al norte del vieyu faru de Punta Cumplida, atópense les piscines naturales de La Fajana onde puede esfrutase del bañu nel mar. Tán formaes por 3 piscines naturales: una pequeña, otra mediana y a lo último, una grande, dos d'ella dotaes con pequeñes cascaes, una artificial asitiada na mediana y otra más finita na grande; una piscina pa discapacitaos y vieyos y unes escaleres que lleven a una zona nel mar arrodiada con delles roques. Les escaleres y pasareles fueron la única intervención del home, pal fácil accesu y esparcimientu de los visitantes, amás de duches y vestidores.

La Tosca. Ye un pequeñu caserío que s'atopa asitiáu a poca distancia del cascu urbanu al pie de la carretera con direición a Gallegos. Tien una vista panorámica (Mirador de la Tosca) sobre la contorna norte de la islla que toma los caseríos de Gallegos, Franceses y El Trabáu. Nesti mirador puede apreciase la mayor concentración de dragos de canaries

Montes. Tien Barloventu una importante masa forestal, laurisilva, pinar, viñátigos, fayas... Una amplia rede de pistes y caminos faciliten el contautu direutu cola frondosa vexetación. Otros llugares d'interés son: Puertu de Talavera, Mirador del Monte del Molín, Mirador de la Fajana, Regos de Lino.

La Llaguna. La Llaguna de Barloventu ye'l banzáu de mayor capacidá de too l'archipiélagu canariu con una capacidá pa 5.000.000 m³ d'agua. Atópase al llau del área recreativa de la llaguna na que puede esfrutase de tiempu d'ociu.

Demografía

Añu	Población	Densidá (hab/km²)
1991	2.644	60,71
1996	2.488	57,13
2001	2.382	54,13
2002	2.378	57,13
2003	2.367	54,35
2004	2.350	53,96
2006	2.506	47,21
2007	2.383	54,72
2008	2.387	54,81

Gráfica d'evolución de Barlovento ente 1842   y 2015

Población por nucleos

Nucleos	Habitantes (2015)[1]	Varones	Muyeres
				Barlovento	645	307	338
Las Cabezadas	325	165	160
La Cuesta	249	125	124
Gallegos	230	127	103
Lomo Machín	270	148	122
La Palmita	31	16	15
Las Paredes	102	49	53
Topaciegas	16	9	7
La Tosca	53	24	29

Barrios de Barloventu

Ver tamién

• La Palma
• Llista de conceyos de Santa Cruz de Tenerife
• Ilesia de La nuesa Señora del Rosario

Referencies

1. Nomenclátor INE

• Datos: Q433918
• Multimedia: Barlovento