![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1d/Bagel-Plain-Alt.jpg/640px-Bagel-Plain-Alt.jpg&w=640&q=50)
Bagel
From Wikipedia, the free encyclopedia
Un bagel (o dacuando tamién beigel; en Yiddish בײגל beygl; en Polacu Bajgiel)[1] ye un pan ellaboráu tradicionalmente de farina de trigu y que suel tener un furacu nel centru. Antes de ser enfornáu cocínase n'agua de volao, dando como resultáu un pan trupo cuna cubierta esterior llixeramente crujiente. El bagel ainicióse nes comunidáes xudíes de Polonia,da fechu los polacos defínenlu como un pan xudío enfornáu del sieglu XVII que de cutiu confunde col obwarzanek, inclusive diendo más allá: a los panaderos de Cracovia esmolecía-yos tantu que los sos obwarzanki confundiéranlos colos bagels de la tradición xudía, que decidieron llevar la receta de los bagels orixinales de Nueva York a Cracovia pa amosar la diferencia ente los dos .[2] Les diferencies históriques entre bagels y obwarzanki fueron investigaes por Marcin Gadocha, estudiante de doctoráu na Academia Pedagóxica de Cracovia: " Llogramos atopar les cuentes de la corte de la pareya real Władysław Jagiełło y Jadwiga en Cracovia. El 2 de marzu de 1394 escribióse lo siguiente: "Pa la Reina, Pani pro circulis obrzanky 1 centavu". Sicasí, el documentu más importante qu'indica los raigaños de obwarzanek en Cracovia remóntase a finales del sieglu XV. El privilexu del rei Jan Olbracht del 26 de mayu de 1496 otorgó'l derechu a enfornar y vender pan blanco, incluyíu'l obwarzanek, solo a los panaderos de Cracovia. - diz Marcin Gadocha. - Los bagels tamién s'enfornaron nel área de Cracovia, pero yera un productu dafechu distintu. Esiste un documentu de 1610 de la comunidá xudía de Kazimierz, entós una ciudá cerca de Cracovia, que declaraba que s'apurríen bagels gratis a toles muyeres que daben a lluz."
Bagel | ||
---|---|---|
![]() | ||
Nome | Bagel | |
Procedencia | Polonia y Gran Ducáu de Lituania | |
Procedencia | Polonia y Gran Ducáu de Lituania | |
Detalles | ||
Ingredientes | fariña | |
Más información | ||
Caráuter unicode | 🥯 | |
[editar datos en Wikidata] |
![Thumb image](http://upload.wikimedia.org/wikipedia/commons/9/98/Bagel.jpg)
Tradicionalmente, dáse-y forma a mano en forma d'aníu de masa de trigu con lleldu, aproximao del tamañu d'una mano, que primero se fierve mientres un curtiu tiempu n'agua y depués enfórnase. La resultancia ye un interior trupu, masticable y pastosu con un esterior doráu y, dacuando, crujiente. La masa de cutiu sazónase con distintos productos tales como sal, cebolla, ayu, güevu, pumpernickel, centenu.
Los bagels de cutiu cúbrense con granes enfornaes na corteza esterior, y les tradicionales son granes d'amapola, xirasol o sésamu. Dalgunes pueden tener sal espolvoriscáu na superficie y esisten distintos tipos de masa, como la de granu enteru o de centenu.[3][4]
Esisten delles variedaes non tan tradicionales como: tomate, salváu, quesu, comín y muesli, ente otros. Los bagels pueden tar cubiertos de granes de sésamu o adormidera, cebolles o ayos secos, sal grueso, o de too coles mesmes (n'inglés everything bagels, bagels con tou).
Anque los oríxenes de los bagels son daqué escuros, sábese que se consumieron llargamente nes comunidaes xudíes d'Europa oriental dende'l sieglu XVII. La primer mención conocida del bagel, en 1610, foi nes ordenances de la comunidá xudía en Cracovia, Polonia.
Los bagels son agora un productu de pan popular n'América del Norte, especialmente en ciudaes con una gran población xudía, munches con formes alternatives de faelos. Al igual qu'otros productos de panadería, los bagels tán disponibles (frescos o conxelaos, de cutiu en munchos sabores) en munchos de los principales supermercaos d'esos países.
El diseñu básicu de rollu con furu tien cientos d'años y tien otres ventayes práctiques amás d'apurrir una cocción y enfornáu más uniformes de la masa: el furu podría usase para enfilar cuerdes o clavíes al traviés de grupos de bagels, lo que dexa manexu y tresporte más fáciles y exhibiciones más curioses para'l vendedor.[5][6]