From Wikipedia, the free encyclopedia
Nadikdik (en marxalés Ņadikdik [ɳˠɑɑ̯r̪ʲi͡ɯɡ(ɯ͡i)r̪ʲi͡ɯk]) o Knox ye un atolón coralín de 18 islles y castros nel Océanu Pacíficu. Ye l'atolón más al sur de les Islles Márxal, país al que pertenez nel so distritu llexislativu de la cadena Ratak. Tien un área terrestre de 0,98 km² pero enzarra una llaguna allargada rellenada de sable de 3,42 km². La so llonxitú ye de 11 km y 2 km d'ancho.
Atolón de Nadikdik | |
---|---|
![]() | |
Situación | |
Tipu | atolón |
Parte de | Cadena Ratak |
Asitiáu en | Océanu Pacíficu |
Coordenaes | 5°53′47″N 172°09′55″E |
Datos | |
Altitú media | 3 m |
Superficie | 0,98 km² |
![]() |
Les islles tán asitiaes pela fastera occidental, destacando Aelingeo, Nadikdik y Nariktal. L'atolón ta separtáu pel pasaxe de Klee nel so estremu más septentrional del atolón de Mili, al que tuvo xuníu una vez.
En 1884, l'atolón foi reclamáu pol Imperiu d'Alemaña xunto col restu de les Islles Marshall. Tres la Primer Guerra Mundial, la islla quedó baxo'l Mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo'l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Márxal en 1896.
El 30 de xunu de 1905 l'atolón de Nadikdik foi devastáu dafechu per un tifón faciendo esaparecer los aproximao 60 habitantes que tenía. Namás dos neños sobrevivieron al debalu nel mar por tar aferraos a un árbol de fruta del pan[1]. Anque dende entós se rexeneró la vida enforma [2] n'actualidá nun hai asentamientu humanu dalu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.