From Wikipedia, the free encyclopedia
Utirik (en marxalés Utrōk [u̯u͡ɯdˠ(ɯ)rˠɤk]) o Utrik ye un atolón coralín de 10 islles nel Océanu Pacíficu [1]. Forma parte del distritu llexislativu de la cadena Ratak nes Islles Márxal. El so área terrestre ye de 2,43 km² y enzarra una llaguna de 57,73 km². L'atolón más cercanu ye'l de Toke.
Atolón d'Utirik | |
---|---|
![]() | |
Situación | |
![]() | |
Protectoráu | ![]() |
País | ![]() |
Municipality of the Marshall Islands (en) ![]() | Utrik Atoll (en) ![]() |
Tipu | atolón |
Parte de | Cadena Ratak |
Asitiáu en | Océanu Pacíficu |
Coordenaes | 11°16′02″N 169°47′03″E |
Datos | |
Altitú media | 3 m |
Superficie | 2,43 km² |
![]() |
La población asciende a unos 400 habitantes, distribuyéndose per varies islles: Utirik, Aon, Bikrak, Pike, Allok y Nalap. N’Utirik hai una pista d'aterrizaxe.
El primer rexistru européu féxolu'l navegante español Álvaro de Saavedra a bordo del Florida'l 29 d'avientu de 1527. Xunto colos atolones de Rongelap, Ailinginae y Toke llamóles Islles de los Reis por mor de la Epifanía [2].
En 1884, L'Imperiu d'Alemaña tomó Utirik xunto col restu de les Marshall. Depués de la Primer Guerra Mundial pasaron baxo'l Mandatu del Pacíficu Sur del Imperiu de Xapón. Depués del final de la Segunda Guerra Mundial, la islla quedó baxo'l contro d'EE.XX. como parte del Territoriu en fideicomisu de les islles del Pacíficu hasta la independencia de les Islles Márxal en 1986.
Utirik foi ún de los atolones damnificaos poles prebes nucleares de Castle Bravo entamaes nel atolón de Bikini.
Hai una Escuela d'Educación Primaria n'Utirik [3]. Los estudios d'Educación Secundaria síguenlos en Northern Islands High School (NIHS) en Wotje.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.