Atolón Bikini
atolón de les islles Márxal, antiguu llugar de pruebes nucleares From Wikipedia, the free encyclopedia
L'atolón de Bikini ye un atolón despobláu d'unos 6 km² de superficie. Ye ún de los atolones que componen les Islles Márxal. Consta de 36 islles que bordien una llaguna d'unos 594,2 km². Bikini vien del marxalés "Pik" que significa "superficie" y "Nin" que significa "cocu". Allúgase nel estremu norte de la cadena Ralik a unos 87 km al noroeste del atolón Ailinginae y 850 del atolón Mayuru.
| Atolón Bikini | |||
|---|---|---|---|
 | |||
| |||
| Alministración | |||
| Protectoráu |  Nueva Guinea Alemana | ||
| País |  Islles Márxal | ||
| Tipu d'entidá | atolón | ||
| Nome llocal | Bikini (en) | ||
| Xeografía | |||
| Coordenaes | 11°36′N 165°24′E | ||
 | |||
| Superficie | 6 km² | ||
| Altitú media | 25 m | ||
| Demografía | |||
| Población | 13 hab. (1999) | ||
| Densidá | 2,17 hab/km² | ||
| Más información | |||
| Estaya horaria | UTC+12:00 | ||
 | |||
Ye famosu poles pruebes nucleares que se llevaron a cabu nél. Como parte de los Territorios de Prueba del Océanu Pacíficu, foi un sitiu onde se probaron más de 20 bombes d'hidróxenu y atómiques ente 1946 y 1958.
Enantes de les pruebes nucleares, la población indíxena foi espulsada al atolón Rongerik. Diches pruebes empezaron en xunetu de 1946. A finales de los años 60 y principios de los años 70, dalgunos de los pobladores orixinales trataron de retornar dende les Islles Kili, pero foron desaposiaos polos altos niveles de radiactividá.
En 1972, el biólogu americanu Eric Freehsee entamó la primer espedición de merguyu naquella zona. Los buceadores nadaron hasta los buques fundíos: el portaviones d'Estaos Xuníos Saratoga, el cruceru de combate xaponés Nagato, y el cruceru alemán Prinz Eugen. La llaguna de 55 km fuera escoyida como sepultura pa setenta y ocho navíos.
El 31 de xunetu de 2010, la UNESCO inscribió al atolón de Bikini como'l primer Patrimoniu de la Humanidá de les Islles Márxal.[1]
Enantes de la esplosión de la primer bomba atómica na islla, la llaguna del atolón yera usada como campusantu de naves demientres la Segunda Guerra Mundial polos Estaos Xuníos. Anguaño la llaguna ye'l llar d'un gran númberu de buques fundíos de los Estaos Xuníos y d'otros países. Los peligros de la radiactividá y los servicios llindaos nel área caltuvieron alloñaos a los buzos d'unu de los sitios con mayor potencial nel Pacíficu pa la práutica d'esi deporte. Anguaño un númberu llindáu de buzos avérase a la llaguna del atolón cada añu pa vivir la esperiencia d'atopase nun llugar qu'atesora tantos buques de la Segunda Guerra Mundial. El llugar tornóse bien popular na última década. Sicasí, los arramaos de petroleu suspendieron les actividaes nel área los años 2008 y 2009. La llaguna contién un gran númberu de vida marina, incluyendo delles especies de tiburones.
La bandera foi adoptada en 1987 como manera de recordatoriu al gobiernu d'Estaos Xuníos d'América sobre les sos obligaciones colos nativos. Les 23 estrelles blanques nel rectángulu azul representen les islles del atolón. Los trés estrelles negres representen les trés islles que fueron destruyíes en marzu de 1954 demientres les pruebes nucleares d'una bomba d'hidróxenu. Les dos estrelles negres na parte inferior derecha, representen les islles Kili y Ejit del atolón Mayuru, onde los nativos fueron reasitiaos primero que s'empecipiaren les pruebes. Alcuéntrase allugada a unos 683 km más al sur. Dambes estrelles tán separtaes simbólicamente de los trés cimeros pa representar la distancia física y en calidá de vida de les islles Bikini.
Les pallabres de la parte inferior, "MEN OTEMJEJ REJ ILO BEIN ANIJ" supónse representen les pallabres del líder bikinianu, Juda, al comodoru d'Estaos Xuníos d'América Ben Wyatt, cuando ésti últimu foi a ordenar a los pobladores que dexaren les islles pa pruebes nucleares por 'el bien de tola humanidá'. Tradúcense como "Tou ta nes manes de Dios". [2][3][4]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
