From Wikipedia, the free encyclopedia
Arnold Vosloo (16 de xunu de 1962, Pretoria) ye un actor de cine y televisión sudafricanu nacionalizáu d'Estaos Xuníos. Vosloo algamó la fama pola so actuación en The Mummy (1999) y The Mummy Returns (2001), onde interpreta a Imhotep, el personaxe del títulu; tamién interpretó al coronel sudafricanu Coetzee na película Blood Diamond.
Arnold Vosloo | |
|---|---|
 | |
| Vida | |
| Nacimientu | Pretoria[1], 16 de xunu de 1962[2] (62 años) |
| Nacionalidá |
 Sudáfrica  Estaos Xuníos |
| Llingua materna | afrikaans |
| Familia | |
| Padre | Johannes Daniel Vosloo |
| Madre | Johanna Petronella Vorster Vosloo |
| Estudios | |
| Estudios |
Tshwane University of Technology (en)  |
| Llingües falaes |
inglés afrikaans |
| Oficiu | actor de cine, actor de teatru, actor de televisión |
| IMDb | nm0903677 |
 | |
Arnold Vosloo nació en Pretoria, Sudáfrica, fíu de padres actores de teatru, Deon y Joyce, polo que la familia solía viaxar con frecuencia. Los Vosloo vivieron en Port Elizabeth, onde'l so padre dirixía un teatru ambulante, y n'Alberton. Tien una hermana llamada Nadia.
Depués d'estudiar actuación na Performing Arts Council de Transvaal, Vosloo empezó la so carrera en teatru, ganando dellos premios Dalro poles sos interpretaciones n'obres como Don Juan, Hamlet y Môre is 'n Lang Dag. Al poco tiempu convirtióse nun actor regular del State Theatre de Pretoria. Tamién protagonizó Torch Song Trilogy y ganó otru premiu pol programa televisivu Meisie van Suid-Wes
En 1984, treslladóse al ámbitu del cine onde siguió llogrando distinciones pola so actuación en películes tales como Boetie gaan Border toe (una comedia sobre la guerra de la frontera) y Círculos nel monte (basada nel llibru de Dalene Matthee) en 1990. Vosloo tamién participó en Morenga (1985), Sábadu pela nueche nel palaciu (basada na obra teatral de Paul Slabolepszy sobre'l racismu en Sudáfrica), la secuela de Boetie, Boetie op maneuvers (1986), Skeleton Coast (1987) y The Rutanga Tapes (1990).
En llegando a los Estaos Xuníos, Vosloo tornó al teatru, onde apaeció en Nacíu na R.S.A. nel Northlight Theatre de Chicago y en Salomé (1992) xunto con Al Pacino en Nueva York.
El so debú nuna película estauxunidense asocedió en 1492: Conquest of Paradise (1992). Depués apaeció nos dos secueles de Darkman (Darkman II: The Return of Durant de 1994 y Darkman III: Die Darkman Die de 1996), tomando'l llugar de Liam Neeson como'l personaxe del filme. De siguío actuó na película de John Woo Hard Target, protagonizada por Jean-Claude Van Damme.
En 1999 Vosloo apaeció en The Mummy (protagonizada por Brendan Fraser) y más tarde na so secuela de 2001, The Mummy Returns; en dambos films interpretó a Imhotep, un sacerdote del Antiguu Exiptu.
Al par de la so carrera en cine, Vosloo fizo apaiciones en dellos programes de televisión, incluyendo Red shoe diaries, American Gothic (1995), Nash Bridges (1995), Charmed (2000) y Alias (2004). Foi unu de los personaxes principales de Veritas: The Quest (2003) y tamién tuvo un papel importante na cuarta temporada de 24 (2005), au interpretó al líder terrorista Habib Marwan.
Apaeció como'l coronel mercenariu Coetzee na película Blood Diamond (2006), que foi filmada en parte en Sudáfrica.
En 2009 interpretó al mercenariu Zartan en G.I. Joe: The rise of Cobra
Na sesta temporada de la serie Bones interpreta al antagonista Jacob Ripkin Broadsky siendo un francotirador que sirvió al pie de Seeley Booth, pero qu'agora empieza a matar xente que'l considera corrupta.
Nel añu 2015 participó d'un capítulu de la cuarta temporada de la serie Grimm interpretando a un cazarrecompenses denomáu Jonathon Wilde unviáu pol Conseyu Wesen pa desaniciar a una serie d'oxetivos ente los que s'atopen Nick Burkhardt.
En 1988, Vosloo naturalizóse como ciudadanu estauxunidense y casóse cola coprotagonista de Act of Piracy, Nancy Mulford, anque divorciáronse trés años dempués. El 16 d'ochobre de 1998, volvió casase, esta vegada con Silvia Ahi. Tanto Vosloo como Ahi tresformáronse en voceros del International Fund for Animal Welfare.
Mientres una entrevista con Charlie Rose, Vosloo señaló la so paecencia col actor Billy Zane. Según Vosloo, cuando les persones s'averen a entrugar si yera él "el puntu esi de «Titanic»", contésta-yos «¡claro que sí!"» a forma de chancia.
| Añu | Títulu | Papel | Notes |
|---|---|---|---|
| 2015 | Grimm | Jonathon Wilde | Serie televisiva |
| 2013 | G.I. Joe: Retaliation | Zartan | |
| 2011 | Bones | Jacob Broadsky | Serie televisiva |
| 2009 | G.I. Joe: The rise of Cobra | Zartan | |
| 2008 | Odysseus and the Isle of the Mists | Odysseus | |
| 2007 | Living & Dying | Detective Rick Devlin | |
| Hidden Camera | Nates | Película pa televisión | |
| Shark | Andre Zitofsky | Serie televisiva | |
| 2006 | Im Auftrag des Vatikans (Death Train) | Lennart | Película pa televisión |
| Blood Diamond | Coronel Coetzee | ||
| 2005 | 24 | Habib Marwan | Serie televisiva; personaxe recurrente |
| 2004 | Alias | Mr. Zisman | Serie televisiva |
| Meltdown | Khalid/Sands | Película pa televisión | |
| Forgiveness | Tertius Coetzee | ||
| 2003 | Veritas: The Quest | Vincent Siminou | Serie televisiva |
| Agent Cody Banks | Francois Molay | ||
| The Red Phone: Checkmate | Wolf | Película pa televisión | |
| 2002 | Endangered Species | Warden | |
| Con Express | Anton Simeonov | ||
| Warrior Angels | Luke | ||
| Global Effect | Dr. Richard Hume | ||
| 2001 | The Red Phone: Manhunt | Wolf | Película pa televisión |
| The Mummy Returns | Imhotep | ||
| 2000 | Charmed | Darklighter | Serie televisiva |
| 1999 | Strange World | Home de pelo escuro | Serie televisiva |
| The Mummy | Imhotep | ||
| 1998 | Rough Draft | Stefan | |
| Progeny | Dr. Craig Burton | ||
| 1997 | Zeus and Roxanne | Claude Carver | |
| 1996 | Nash Bridges | Alex Abe | Serie televisiva |
| Darkman III: Die, Darkman, Die | Darkman/Dr. Peyton Westlake | Película direuta a videu | |
| 1995 | American Gothic | Rafael Santu | Serie televisiva |
| Perfect crimes | MacMan | Serie televisiva | |
| 1994 | Darkman II: The Return of Durant | Darkman/Dr. Peyton Westlake | Película direuta a videu |
| 1993 | Red Shoe Diaries 2: Double Dare | Bill | |
| Hard Target | Pick van Cleaf | ||
| 1992 | The Finishing Touch | Mikael Gant | |
| 1492: Conquest of Paradise | Guevara | ||
| 1990 | Circles in a Forest | Saul | |
| Living to Die | Jimmy | ||
| The Rutanga Tapes | Assad | ||
| Buried Alive | Ken Wade | ||
| 1989 | Reason to Die | Wilson | |
| The Revenger | Mackie | ||
| 1988 | Act of Piracy | Sean Stevens | |
| Gor | Norman | ||
| 1987 | Skeleton Coast | Blade | |
| Saturday Night at the Palace | Dougie | ||
| Steel Dawn | Makker | ||
| 1985 | Morenga | Schiller | |
| 1984 | Boetie gaan border toe (El mio hermanín va a la frontera) | Boetie | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
