mueble con puertes pa guardar ropa, cacía... From Wikipedia, the free encyclopedia
Un armariu ye un mueble zarráu per mediu de puertes, en que la so distribución interior puede haber estantes, colgadores pa perchas y caxones, escurríu pa guardar coses. Les puertes pueden ser batientes o correderes, utilizándose les segundes en llugares de camín estrechu, yá que precisen menos espaciu.
Armariu | |
---|---|
páxina de dixebra de Wikimedia | |
![]() | |
Historia y usu | |
Usu | almacén |
![]() |
L'armariu ye propiu de cualquier estancia de la casa, afaciendo la so forma y dimensiones al usu al que va destináu:
L'armariu empotráu ye'l que tien visible namái la parte frontera, tando'l restu xuníu por obra a les parés o tabiques de la estancia en que s'alluga. Los espacios habilitaos como vestidores suelen tar revistíos d'armarios ensin puertes.
L'armariu ye conocíu siquier dende la dómina romana, según apaez nes pintures de Herculano. Anque nun principiu namái sirvía pa contener armes, según indica'l so nome, llueu s'utilizó pa guardar tou tipu d'oxetos.[1]
Los romanos destinaben esti mueble pa zarrar les semeyes de los sos antepasaos y los llibros. Los primeres, como taben fechos de cera, teníen que tar zarraos por que con l'aire y el polvu nun s'echaren a perder. Estos armarios nun se abren más que los díes festivos y en dalgún acontecimientu célebre. Los que fueren acusaos de dalgún delitu, abríen tamién los armarios que conteníen aquelles envaloraes semeyes cuando se xustificara la so inocencia. Cicerón, perorando por Sila, diz claramente. Les biblioteques de los romanos taben compuestes d'armarios, nos que se poníen los volúmenes o rollos y estremábense con diversos númberos.[2]
Na Edá Media, con esceición de les ilesies y monesterios, sirvía namái pa zarrar les armes y armadures, pos los demás oxetos guárdense n'arques o en senciellos aparadores. Pero yá dende principios del sieglu XV usaba l'armariu col mesmu fin qu'agora y les sos puertes decórense con relieves cuando antes namái llevaben pintures. Nos sieglos XVI y XVII emplegábense elegantes armarios de dos cuerpos y dende el sieglu XVIII constrúin armarios-vitrina y biblioteques-vitrina como dignos muebles de salón y de gabinete.[1]
La pallabra procede del llatín armarĭum, llugar onde se guarden artefautos o armes. De la mesma, arma (coleutivu plural) ven de ars, arte o oficiu, y denomina cualquier conxuntu d'oxetos resultáu d'un arte o oficiu. La evolución posterior de la pallabra arma puede llevar a tracamundiu.
Los armarios consten xeneralmente de seis partes principales: dos puertes, dos costaos, el respaldu, la cornisa y dos fondos, alto y baxu. Lo interior ta guarníu de caxes o estantes y dacuando ta llibre. Toles pieces d'un armariu deben ensamblarse a espiga y balobru ensin encolarlas, pero atornellaes do manera que puedan desmontase, porque un armariu tien qu'armase y desarmase a voluntá pa faelo trasportable. Xeneralmente les bandes del armariu consisten nun bastidor con paneles que fai l'oficiu de montante y al cual se ensamblan pembaxo y penriba los barrotes que constitúin l'armazón del suelu y del altu. Les puertes échense goncios sobre'l marcu de los bastidores llaterales. El respaldu ta compuestu de tablillas delgaes encaxaes a ranura lateralmente y la cornisa consta de pieces sueltes que s'atornillen a lo cimero y se ensamblan nos ángulos a inglete ensin enllargar el saledizo por detrás por que el armariu pueda sofitase na paré.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.