políticu español From Wikipedia, the free encyclopedia
Antonio Maíllo Cañadas (2 de payares de 1966, Lucena) ye un profesor y políticu comunista español, actual coordinador xeneral d'IULV-CA.[1] Apodera l'inglés y l'italianu, amás del llatín y el griegu clásicu.
Antonio Maíllo![]() | |||
---|---|---|---|
![]() | |||
16 abril 2015 - 9 ochobre 2018 Distritu: Sevilla Eleiciones: Eleiciones al Parllamentu d'Andalucía de 2015 | |||
Vida | |||
Nacimientu | Lucena, 2 de payares de 1966 (57 años) | ||
Nacionalidá |
![]() | ||
Estudios | |||
Estudios | Universidá de Sevilla | ||
Llingües falaes |
castellanu griego clásico (es) ![]() llatín italianu | ||
Oficiu | políticu, profesor d'enseñanza secundaria | ||
Creencies | |||
Partíu políticu |
Partíu Comunista d'España Izquierda Xunida | ||
IMDb | nm7506301 | ||
![]() |
Antonio Maíllo nació en Lucena (Córdoba), nel senu d'una familia dedicada a l'artesanía d'apareyos d'animales del campu. Magar que los sos padres apostaben pel mundu del derechu, decidió dedicase a les llingües clásiques.[2]
Maíllo ye llicenciáu en Filoloxía Clásica pola Universidá de Sevilla. Mientres la so etapa universitaria en Sevilla, foi un activu participante nel movimientu estudiantil, siendo escoyíu delegáu de facultá y delegáu del Conseyu d'Alumnos.[3]
Activista d'izquierdes dende los 18 años, ayudó a crear l'Asamblea Local d'IULV-CA de Lucena, el so pueblu natal, en 1986.
N'aprobando en 1990, con 23 años, les oposiciones de profesor d'Educación Secundaria, dio clases de llatín y griegu nel IES Francisco Pacheco de Sanlúcar de Barrameda, na provincia de Cádiz.
Foi conceyal por IULV-CA en Sanlúcar de Barrameda ente 1991 y 1995.
En 1996 llogró la so plaza definitiva nel IES San Blas d'Aracena, na provincia d'Huelva, del que foi direutor ente 2005 y 2009. Como docente realizó estancies académiques en Finlandia, Bulgaria ya Italia nel marcu de proyeutos educativos de la Xunión Europea venceyaos a la meyora educativa y la función directiva. Amás del llatín y el griegu clásicu, fala inglés ya italianu. Coordinó l'adaptación curricular de l'asignatura de Llatín a la Llei Orgánica d'Educación pa toa Andalucía.
Nel ámbitu políticu, foi conceyal en Aracena, ciudá na que foi candidatu a alcaldía, ente 2003 y 2011. Amás, dende 1996 ye militante del Partíu Comunista d'España (PCE).
En 2009 ye nomáu Xefe de Serviciu de Programes Educativos Internacionales de la Direición Xeneral de Participación ya Innovación Educativa de la Conseyería d'Educación de la Xunta d'Andalucía, con sede en Sevilla.
Nes eleiciones xenerales de 2011 foi candidatu a senador na candidatura d'IULV-CA pola provincia d'Huelva.[4]
En xunu de 2012, tres l'alcuerdu de gobiernu n'Andalucía ente'l PSOE n'Andalucía y IULV-CA, ye nomáu Direutor Xeneral d'Alministración Llocal de la Conseyería d'Alministración Llocal y Rellaciones Institucionales de la Xunta d'Andalucía.
Mientres l'exerciciu de les sos funciones, aldericóse l'Anteproyeutu de Llei de Racionalización y Sostenibilidá de l'Alministración Llocal, ellaboráu pol Gobiernu central. Antonio Maíllo asitióse contrariu a la mesma porque consideraba que'l testu llexislativu supondría la desapaición de servicios sociales, despidos de trabayadores públicos y la privatización de tolos servicios públicos.[5]
Amás, dende la Conseyería destaquen el trabayu realizáu por Antonio Maíllo colos alcaldes de los conceyos andaluces.[2]
Nel Conseyu Andaluz d'IULV-CA celebráu'l 7 de xunu de 2013 ye propuestu como candidatu a coordinador de la organización d'izquierdes, propuesta a aldericar na so XIX Asamblea andaluza.[6] , cargu al qu'apuerta col mayor respaldu de la historia de la organización (83%) el 16 de xunu de 2013[7]
En xunetu de 2014, IULV-CA celebró eleiciones primaries pa la eleición del candidatu a la Presidencia de la Xunta d'Andalucía, participando más de 10.000 afiliaos y simpatizantes de la federación. Antonio Maíllo resultó escoyíu al llograr el 88,39% de los votos.[8]
Antonio Maíllo ye diputáu pola circunscripción de Sevilla tres les eleiciones al Parllamentu d'Andalucía, celebraes el 22 de marzu de 2015. Nesti órganu, ye Voceru del Grupu Parllamentariu d'IULV-CA y nes Comisiones de Presidencia y Alministración Llocal, d'Educación, de Desarrollu Estatutariu y na Consultiva de Nomamientos, Rellaciones col DPA y Pidimientos.[9]
N'avientu de 2015, empezando la campaña de les eleiciones xenerales de 2015, foi ingresáu d'urxencia por una hemorraxa dixestiva.[10] Tres más de tres meses alloñáu de la vida política activa, y dempués d'una intervención quirúrxica, remaneció'l 11 de marzu de 2016 nuna entrevista en Canal Sur, anunciando que careciera cáncer y qu'empezaría un tratamientu de quimioterapia.[11]
El 17 de marzu retomó la so actividá parllamentaria participando nuna sesión de control al gobiernu, siendo recibíu con emoción pol conxuntu de diputaos.[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.