Animación
From Wikipedia, the free encyclopedia
L'animación[1] ye un procesu utilizáu por unu o más animadores pa dar la sensación de movimientu a imáxenes o dibuxos o a otru tipu d'oxetos inanimaos (figures de plastilina, por casu). Considérase de normal una ilusión óptica. Esisten numberoses téuniques pa realizar animación que van más allá de los familiares dibuxos animaos.
Los cuadros pueden xenerase dibuxando, pintando o fotografiando los minúsculos cambeos fechos repetidamente a un modelu de la realidá o a un modelu tridimensional virtual; tamién ye posible animar oxetos de la realidá y actores. Ente los formatos d'archivu d'animación (o que soporten animación) atópense'l GIF, el SWF (animación Flash), etc. Les animaciones en GIF son guardaes imaxe per imaxe, pero esisten animaciones que nun se llogren asina, sinón que son interpretaes y "armaes" en tiempu real al executase (como les de formatu SWF).