Andrew Browne Cunningham
From Wikipedia, the free encyclopedia
El Almirante de la Flota Andrew Browne Cunningham, 1º Vizconde Cunningham de Hyndhope, KT, GCB, OM, DSO (Dublín, Irlanda, Reinu Xuníu, 7 de xineru de 1883-Londres, 12 de xunu de 1963), hermanu mayor del Xeneral sir Alan Cunningham, foi un almirante británicu de la Segunda Guerra Mundial. De cutiu ye citáu poles sos iniciales «ABC».
Andrew Browne Cunningham | |||||
---|---|---|---|---|---|
15 ochobre 1943 - 24 mayu 1946 ← Dudley Pound - John Cunningham (es) →
| |||||
Vida | |||||
Nacimientu | Dublín, 7 de xineru de 1883[1] | ||||
Nacionalidá | Reinu Xuníu | ||||
Muerte | Londres, 12 de xunu de 1963[1] (80 años) | ||||
Familia | |||||
Padre | Daniel John Cunningham | ||||
Madre | Elizabeth Browne | ||||
Casáu con | Nora Christine Byath (en) (1929 – )[2] | ||||
Estudios | |||||
Estudios |
Academia de Edimburgo (es) Britannia Royal Naval College (en) Stubbington House School (en) | ||||
Llingües falaes | inglés | ||||
Oficiu | políticu, oficial naval | ||||
Llugares de trabayu | Londres | ||||
Premios |
ver
| ||||
Serviciu militar | |||||
Cuerpu militar | Royal Navy | ||||
Graduación |
admiral (es) Admiral of the Fleet (es) | ||||
Lluchó en |
Primer Guerra Mundial Segunda Guerra Mundial | ||||
Nació en Rathmines, un suburbiu de Dublín, entós parte del Reinu Xuníu de Gran Bretaña ya Irlanda, el 7 de xineru de 1883, y asistió a diverses escueles ya institutos antes d'apuntase na Escuela Naval d'Edimburgu con namái 10 años, empezando asina la so rellación cola Royal Navy. Dempués de graduase en 1898 del Britannia Royal Naval College, xubió rápido de rangu. Comandó un destructor mientres la Primer Guerra Mundial y dalgunos más mientres el periodu d'enteguerres. Pola so actuación na Gran Guerra foi condecoráu con dos Órdenes del Serviciu Distinguíu con dos barres, especialmente poles sos aiciones nos Dardanelos y nos países bálticos.
Mientres la Segunda Guerra Mundial, como Comandante en xefe de la Flota del Mediterraneu, Cunningham dirixó con ésitu les fuercies navales britániques en diverses batalles nel Mediterraneu, ente les que destaquen l'ataque sobre Tarento en 1940, el primer ataque de la historia puramente dende un portaviones[4] y la batalla del cabu Matapán en 1941. Cunningham tamién foi responsable del esfuerciu pa curiar les llinies de suministru aliaes al traviés d'Alexandría, Xibraltar y Malta, lo mesmo que de supervisar los diversos desembarcos aliaos nel mariniega mediterraneu. En 1943 foi nomáu Primer Lord del Mar, una posición qu'ocupó hasta'l so retiru en 1946. Dempués del so retiru, exerció diverses posiciones ceremoniales, incluyendo la de Lord High Steward na coronación de la reina Sabela II del Reinu Xuníu en 1953. Morrió'l 12 de xunu de 1963.