Amanita ocreata
From Wikipedia, the free encyclopedia
Amanita ocreata (tamién conocida n'inglés como death angel, lliteralmente «ánxel de la muerte», o destroying angel, «ánxel destructor») ye una especie de fungu basidiomicetu venenoso, perteneciente al xéneru Amanita, del orde Agaricales. Produz un cuerpu de fructificación blancu, que'l so sombreru ye convexu o esnacháu y algama 12 cm de diámetru. El so color puede tener un tonu amarellentáu, rosado y delles vegaes col centru marrón. Les llámines se apilan y el tueru mide hasta 20 cm. Tien un aniellu membranosu blancu y finu, amás d'una volva que se paez a una bolsa, que cubre cuasi la metá de la estipe. La especie foi descrita per primer vegada en 1909 por Charles Horton Peck, al traviés d'exemplares recoyíos en California.
Estáu de caltenimientu | ||
---|---|---|
Esmolición menor (IUCN) | ||
Clasificación científica | ||
Reinu: | Fungi | |
Subreinu: | Dikarya | |
Filu: | Basidiomycota | |
Subfilu: | Agaricomycotina | |
Clas: | Agaricomycetes | |
Subclas: | Agaricomycetidae | |
Orde: | Agaricales | |
Familia: | Amanitaceae | |
Xéneru: | Amanita | |
Seición: | Phalloideae | |
Especie: |
A. ocreata Peck, 1909 | |
Distribución | ||
Consultes | ||
[editar datos en Wikidata] |
Amanita ocreata Carauterístiques micolóxiques | ||
---|---|---|
o esplanáu | ||
Les llámines son llibres | ||
El pie tien aniellu y volva | ||
Espores de color blancu | ||
La ecoloxía ye micorriza | ||
Comestibilidá: velenosa | ||
[editar datos en Wikidata] |
Ye un fungu bien tóxicu, responsable de dellos envelenamientos por fungu nel oeste d'América del Norte, rexón na que puede atopase na naturaleza. Contién amatoxines altamente venenoses, según tamién falotoxines, una carauterística compartida cola so "primu" próximu, y tamién mortal, A. phalloides, y otres especies conocíes conxuntamente como ánxeles destructores. La primera ingesta causa dolor abdominal, foria y deshidratación. Depués, la persona puede esperimentar insuficiencia hepática y renal lo suficientemente graves como pa causar la muerte.