El programa Almaz ( rusu: Алмаз. "Diamante") consistió nuna serie d'estaciones espaciales militares (o "Estaciones Orbitales Pilotaes", OPS en rusu), llanzáu pola Xunión Soviética baxu al amparu del programa civil DOS-17K (Estación espacial orbital), denomináu Salyut dempués de 1971. L'oxetivu de Almaz yera determinar la utilidá de les observaciones terrestres feches per parte d'humanos n'órbita. Pa ello les estaciones Almaz diríen forníes con cámares óptiques de bien alta resolución y sensores infrarroxos.[1]
| Almaz | ||
|---|---|---|
| [editar datos en Wikidata] |
Almaz entró en competición direuta col proyeutu Soyuz R (R de Razvedki, intelixencia, en rusu) de Sergéi Koroliov, que consistía nuna cápsula Soyuz tripulada que s'acoplaría con un módulu forníu col equipu de reconocencia militar.[2]
Llanzáronse trés estaciones Almaz: Salyut 2, Salyut 3 y Salyut 5.
La Salyut 2 falló xusto dempués d'algamar la órbita, pero tantu la Salyut 3 como la Salyut 5 llevaron a cabu pruebes tripulaes con ésitu. Siguiendo cola Salyut 5, el Ministru de Defensa Soviéticu consideró en 1978 que'l tiempu emplegáu nel caltenimientu de la estación devasaba los beneficios relativos con respectu al funcionamientu automáticu de los satélites de reconocencia.
Almaz foi promovíu por Vladímir Cheloméi como respuesta al proyeutu MOL estauxunidense. Na so configuración orixinal, Almaz y MOL yeren similares.
La estación sería llanzada por un cohete Proton con una tripulación de dos homes, que tornaríen a tierra nuna cápsula tres un mes d'observaciones militares. Tres el retrasu del proyeutu Soyuz, Almaz tamién asumió'l papel de interceptador de satélites militares. Almaz sería reabastecida por una nave TKS, tamién llanzáu con un cohete Proton.
Chelomei llogró'l permisu pa empecipiar el proyeutu'l 12 d'ochobre de 1964. En xunu de 1965 tuvo llugar la misión Gemini 4, mientres la que se realizaron los primeros esperimentos militares americanos nel espaciu. Esto sollertó a les autoridaes soviétiques, que los sos proyeutos Almaz y Soyuz R apenes taben nos sos primeros pasos y nun se prevíen los primeros vuelos hasta 1968. Korolev morrió inesperadamente en 1966, dempués de lo que Chelomei consiguió que'l proyeutu Soyuz R fuera canceláu, colo que Almaz quedó como l'únicu proyeutu soviéticu d'estación espacial militar. La razón oficial de la cancelación de Soyuz R foi que yera demasiáu pesada pal so vehículu llanzador. A Almaz dióse-y el códigu de proyeutu 11F71, primeramente asignáu a Soyuz R.
Los módulos a ser utilizaos na estación Almaz midíen 4,15 m de diámetru y teníen un pesu de 20 tonelaes. Ente 1965 y 1970 construyéronse 8 modelos de prueba y 2 modelos llistos pa ser llanzaos.
OPS-1 (Salyut 2)
La primer estación Almaz (OPS-1 ó Almaz 101.1), anunciada como Salyut 2, foi llanzada'l 3 d'abril de 1973. Pa caltener el secretu militar, foi denomada Salyut 2 namái n'algamando órbita. Preparóse una tripulación pa volar a la estación, pero un accidente na mesma estación pocos díes dempués dexar despresurizada y inutilizable.
OPS-2 o (Salyut 3)
OPS-2 (ó Almaz 101.2), anunciada como Salyut 3, foi llanzada'l 25 de xunu de 1974. La tripulación, llanzada na misión Soyuz 14, pasó 15 díes na estación mientres xunetu de 1974. Llanzóse una segunda tripulación n'agostu de 1974, pero foi incapaz d'acoplase a la estación. Mientres taba ensin tripulación, probóse un cañón a bordu de la estación disparando a un satélite oxetivu. Salyut 3 foi tresmandada en xineru de 1975, a otru día a la prueba col cañón. Pa disparar el cañón precisábase mover tola estación, y especúlase con que los disparos alteriaron significativamente la órbita de la estación.
OPS-3 o (Salyut 5)
OPS-3 (ó Almaz 103), denomada Salyut 5 tres la puesta n'órbita, foi llanzada'l 22 de xunu de 1976. Foi visitada por dos tripulaciones nel branu de 1976 y l'iviernu de 1977.
OPS-4
La siguiente estación (OPS-4) quedó en tierra per falta de fondos. Llevaría dos misiles non empuestos pa faer pruebes en llugar del cañón.
Amás del equipu de reconocencia, Almaz llevaría a bordu un cañón deriváu del Nudelman-Rikhter NR-30. Salyut 3 realizó pruebes con ésitu sobre un satélite de pruebes. OPS-4 llevaría un par de misiles non empuestos.
Tres la cancelación del programa, la estación foi rebaxada a satélite pesáu portador d'un radar pa realizar reconocencies militares. Llanzáronse trés Almaz-T, dos de los cualos funcionaron correutamente.
Almaz-T
El primer Almaz-T foi llanzáu dende Cosmódromo de Baikonur el 29 d'ochobre de 1986. Nun llegó a órbita debíu al fallu de separación de la primera y segunda etapes del llanzador Proton. El sistema de seguridá destruyó'l cohete.
Cosmos-1870
Cosmos-1870 foi llanzáu'l 25 de xunetu de 1987, foi la segunda nave Almaz-T en ser llanzada y esta sí llegó a órbita, con un enclín de 71,92 graos con respectu del ecuador. Foi denomada Cosmos-1870 n'algamando órbita. Funcionó mientres dos años, apurriendo imagen radar con una resolución de menos de 25 metros. Foi tresmandada'l 30 de xunetu de 1989.
Almaz-1
Almaz 1 foi la tercera Almaz-T. Foi llanzada'l 31 de marzu de 1991, sol nome Almaz 1. Tres el llanzamientu hubo problemes cola antena de comunicaciones dedicada a la tresmisión de les imáxenes. Amás, unu de los paneles solares nun s'esplegara del tou, bloquiando parcialmente'l radar principal. En funcionando mientres 18 meses, Almaz 1 foi tresmandada'l 17 d'ochobre de 1992 sobre l'océanu Pacíficu.
Almaz-2
Almaz 2 (Almaz-1V) nun llegó a volar. Tenía una nuevu radar qu'apurriría una resolución de 5 a 7 metros. Amás llevaba una cámara capaz de llograr imáxenes óptiques con una resolución d'ente 2,5 y 4 metros
Los módulos OPS fueron la base de les estaciones Salyut, Mir y ISS.
Anguaño, la compañía privada Excalibur Almaz tien planes pa llanzar estaciones Almaz modernizaes y da-yos serviciu con cápsules derivaes de les naves TKS pal turismu espacial.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
