![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b1/Sagittarius_constellation_map.svg/langast-640px-Sagittarius_constellation_map.svg.png&w=640&q=50)
Albaldah
From Wikipedia, the free encyclopedia
Albaldah (π Sagittarii / π Sgr / 41 Sagittarii)[8] ye la sesta estrella más brillosa de la constelación de Saxitariu con magnitú aparente +2,88. Alcuéntrase a 509 años lluz de distancia del Sistema Solar.
Albaldah ye una estrella xigante lluminosa blancu-mariella de tipu espectral F2II/III y temperatura superficial de 6590 ± 50 K. Unes 1000 vegaes más lluminosa que'l Sol, la so edá envalórase en 67 millones d'años.[9] Nun diagrama de Hertzsprung-Russell (onde se representa lluminosidá d'estrellar frente a la temperatura), Albaldah alcuéntrase nuna zona a partir de la cual les estrelles desestabilícense y empiecen a púlsar como estrelles variables cefeides. Piénsase que nun millón y mediu d'años aproximao, Albaldah va entrar a formar parte d'esti grupu.[10]
Albaldah tien dos compañeres próximes. Albaldah B alcuéntrase a 0,1 segundos d'arcu de la estrella principal (Albaldah A), lo qu'equival a una distancia mínima de 13 UA. La otra compañera, Albaldah C, ta a 0,4 segundos d'arcu o una distancia mínima de 57 UA, y piénsase que ye una estrella de tipu B9.[10]
Tando cerca de la eclíptica, Albaldah dacuando ye despintáu pola Lluna y dacuando por planetes. El próximu planeta que la despintará va ser Venus el 17 de febreru de 2035.