Aeropuertu Internacional de São Paulo-Guarulhos
From Wikipedia, the free encyclopedia
L'Aeroporto Internacional de São Paulo – Governador André Franco Montoro (IATA: GRU, OACI: SBGR), conocíu tamién como Aeropuertu Internacional de Cumbica, ye unu de los cuatro aeropuertos que sirven a la ciudá de São Paulo, Brasil, alcontráu nel conceyu de Guarulhos, 22 quilómetros al nordeste del centru de la ciudá de São Paulo.
Aeropuertu Internacional de São Paulo-Guarulhos | |
---|---|
Aeroporto Internacional de São Paulo-Guarulhos | |
aeropuertu internacional y aeródromu de tráficu comercial | |
Llocalización | |
País | Brasil |
Unidá federativa | São Paulo |
Conceyu | Guarulhos |
Coordenaes | 23°26′08″S 46°28′23″W |
Altitú | 750 m |
Historia y usu | |
Apertura | 1985 |
Xestión | Infraero |
Orixe del nome |
São Paulo Guarulhos André Franco Montoro |
Aeropuertu | |
Ciudá a la que sirve | São Paulo y Guarulhos |
Web oficial | |
Guarulhos ye l'aeropuertu de mayor movimientu en Brasil y el segundu n'América Llatina solo detrás del Aeropuertu Internacional de la Ciudá de Méxicu,[1] pasando pol mesmu 36 millones de pasaxeros en 2016.[2][3] En tresporte de carga, ye'l segundu tres l'Aeropuertu Internacional El Dorado de Bogotá, Colombia. A pesar d'esti indicadores, según Forbes, foi en 2008 el tercer aeropuertu con mayor númberu de vuelos atrasaos nel mundu.[4] Ye l'únicu aeropuertu n'América del Sur que recibe a los A380 d'Emirates, con 7 frecuencies a la selmana.[5] Tocantes a conectividad, ye l'aeropuertu meyor conectáu d'América Llatina por cantidá de destinos y países sirvíos. En tantu, ye la terminal suramericana que recibe mayor númberu d'aereollinies estranxeres. Ye l'Hub de LATAM Brasil y Avianca Brasil. Amás, ta consideráu como la puerta d'entrada a Sudamérica dende Mediu Oriente, yá que tien vuelos ensin escales escontra esa rexón.