Aeropuertu Internacional El Alto
From Wikipedia, the free encyclopedia
L'Aeropuertu Internacional d'El Alto (IATA: LPB, OACI: SLLP) ye l'aeropuertu principal del área metropolitana de La Paz y l'aeropuertu más importante de Bolivia. Ta allugáu na redoma d'El Alto, a 14,5 quilómetros al suroeste del centru de La Paz. Asitiáu a un altor de 4008 msnm, l'aeropuertu Internacional d'El Alto ye l'aeropuertu internacional más altu y quintu aeropuertu comercial más altu del mundu.[1] La terminal ye amás unu de los asentamientos de la I Brigada Aérea de la Fuercia Aérea Boliviana, el Grupu Aereu Presidencial y la Base aérea Bartolina Sisa.
Aeropuertu Internacional El Alto | |
---|---|
aeropuertu internacional y aeródromu de tráficu comercial | |
Llocalización | |
País | Bolivia |
Departamento (es) | Departamento de La Paz (es) |
Provincia (es) | Provincia de Pedro Domingo Murillo (es) |
Municipio (es) | El Alto Municipality (en) |
Ciudá | El Alto |
Coordenaes | 16°30′48″S 68°11′32″W |
Altitú | 4061,5 m y 4061 m |
Historia y usu | |
Vuelo 980 Eastern Airlines (es) | |
Dueñu | Bolivia |
Xestión | Abertis (es) |
Orixe del nome | El Alto |
Aeropuertu | |
Ciudá a la que sirve | La Paz |
Web oficial | |
L'aeropuertu operó dende la primer metá del sieglu 20, foi modernizáu a finales de 1960 cuando una nueva terminal de pasaxeros construyóse y la so pista d'aterrizaxe foi significativamente allargada pa dexar l'aterrizaxe y despegue d'aviones de reacción más grandes que puedan operar a gran altor.
El Alto foi unu de los principales centru de conexones de l'antigua Lloyd Aereu Bolivianu, aereollinia bandera de Bolivia que dexó d'operar en 2007. Anguaño, l'aeropuertu ye'l principal centru de conexones p'Amaszonas, amás de sirvir como aeropuertu secundariu pa la estatal Boliviana d'Aviación.
Siendo'l aeropuertu internacional más altu del mundu, El Alto ufierta condiciones úniques por que les aeronaves más modernes realicen pruebes de vuelu a gran altor con cuenta de recibir les sos certificaciones de vuelu, polo tanto El Alto dacuando recibió a les aeronaves tipu Airbus A350 y Boeing 787.[2][3]