Aceleración

L'aceleración^[1]ye la magnitú física que midi la tasa de variación de la velocidá respeutu del tiempu. Les unidaes pa espresar l'aceleración sedrán unidaes de velocidá dixebraes poles unidaes de tiempu: llonxitú/tiempu² (en unidaes del sistema internacional úsase xeneralmente [m/s²]). Nun hai de trafulcar la celeridá cola aceleración, darréu que son conceutos desemeyaos, acelerar nun ye dir más apriesa, sinón que ye camudar de velocidá a un ritmu dau.

Aceleración
cantidá física, cantidá derivada del Sistema Internacional de Cantidaes y magnitud física vectorial (es)
velocidá Aceleración sobreaceleración (es)

Aceleración media ya instantánea

Aceleración instantánea ye representada como la pendiente de la reuta tanxente de la curva de representación velocidá-tiempu.

Defínese l'aceleración media como la rellación ente la variación o cambéu de velocidá d'un móvil y el tiempu emplegáu en talu cambéu de velocidá:

${\displaystyle a={\frac {v-v_{0}}{t-t_{0}}}={\frac {\Delta v}{\Delta t}}}$

Au a ye l'aceleración, y v la velocidá final nel intre t, ${\displaystyle v_{0}}$ la velocidá d'aniciu nel intre t₀.

L'aceleración instantánea, que pa trayeutories curvas tómase como un veutor, ye la derivada de la velocidá (instantánea) respeutu del tiempu nun intre dau (en dos instantes cercanos pero desemeyaos, el valor pue camudar muncho):

${\displaystyle \mathbf {a} ={\frac {d\mathbf {v} }{dt}}}$

Darréu que la velocidá instantánea v ye al empar la derivada del vector de posición r respeutu al tiempu, tiense que l'aceleración vectorial ye la derivada segunda respeutu de la variable temporal:

${\displaystyle \mathbf {a} ={\frac {d^{2}\mathbf {r} }{dt^{2}}}}$

D'igual mena pue definise la velocidá instantánea a partir de l'aceleración como:

${\displaystyle v=\int _{0}^{n}\left({\mathrm {d} v \over \mathrm {d} t}\right)\,\mathrm {d} t}$

O tamién, la velocidá pue atalantase entenderse como la integral de l'aceleración respeutu el tiempu, hai de decatase que la integración pue ser definía o indefinía:

${\displaystyle v=\int _{0}^{n}a\,\mathrm {d} t}$,

Unidaes

Suel emplegase les unidaes de tiempu: llonxitú/tiempu² (n'unidaes del sistema internacional úsase davezu [m/s²]. Arriendes ye mui común nos ámbitos aeronáuticos emplegar g, un g (más específicamente, g_n o g ₀) ye l'aceleración estándar de cayía llibre de los cuerpos que tienen un valor de 9.80665 m/s², causáu pol campu gravitatoriu de la Tierra al nivel del mar a una llatitú de 45.5°.

Referencies

1. Esti términu apaez nel Diccionariu de l'Academia de la Llingua Asturiana. Ver: aceleración

Ver tamién

• Cinemática
• Velocidá

• Datos: Q11376
• Multimedia: Acceleration
• Recursos didácticos: Aceleración