70 Pine Street
From Wikipedia, the free encyclopedia
70 Pine Street (conocíu enantes como American International Building) ye un rascacielos de la ciudá d'Estaos Xuníos de Nueva York. Asítiase nel númberu 70 de la cai Pine (70 Pine Street), ente les cais Cedar (Cedar Street) y Pearl (Pearl Street). Tien un altor de 290 m (952 pies) y 66 pisos.
| 70 Pine Street | |
|---|---|
| Rascacielos | |
 | |
| Llocalización | |
| País |  Estaos Xuníos |
| Estaos |  Nueva York |
| Ciudá |  Nueva York |
| Borough |  Manhattan |
| Coordenaes | 40°42′23″N 74°00′27″W |
  70 Pine Street 70 Pine Street (los EE.XX.) | |
| Historia y usu | |
| Apertura | 1932 |
| Comisariu |
Cities Service Company (en)  |
| Arquiteutura | |
| Arquiteutu/a |
Clinton & Russell (es) |
| Estilu | Art Decó |
| Altor | 290,2 m |
| Pisos | 67 |
| Ascensores | 18 |
| Patrimoniu | |
| Web oficial | |
 | |
Construyóse en 1932, por encargu del magnate del petroleu y el gas Henry Latham Doherty, pola compañía constructora Cities Service Company. El so cumal, con una torre con chapiteles d'estilu góticu, ye típica de los años 30 del sieglu XX, una dómina de gran desarrollu d'esti tipu d'arquiteutura na ciudá y de gran competencia por ver quién facía l'edificiu más altu. Cuando acabó de construyise l'edificiu yera'l terceru más altu del mundu, per detrás namái que del Empire State Building y el Chrysler Building. Foi, amás, l'últimu rascacielos construyíu nel Lower Manhattan anantes de la Segunda Guerra Mundial, y el más altu de la zona hasta que se construyó'l World Trade Center.
L'edificiu llamose primero Cities Service Building, una y bones yera propiedá de la Cities Service Company. Cuando esta empresa llevó la so sé a la ciudá de Tulsa (Oklahoma) vendió-yla a la compañía de seguros American International Group (AIG). Los problemes financieros d'esta compañía obligáronla a vendelu a la compañía Youngwoo & Associates in 2009. Esta planea alquilar los pisos baxos pa oficines y convertir les plantes superiores n'apartamentos de luxu. L'edificiu tien proteición, tanto de les sos fachaes como del interior (New York City Landmark[1], y New York Interior Landmark[2]), dende xunu de 2011. Dende la venta a los nuevos propietarios el nome oficial del edificiu ye 70 Pine Street, pero ye tovía ampliamente conocíu como American International Building.
La so estructura ye d'aceru, y la so fachada ye de plaques de piedra caliar. Tien un espaciu útil de 80.360 m². La so torre, de piedra caliar recubierta, recuerda un monte col cumal neváu. Nella, nel pisu 66, hai un observatoriu acristaláu que ufre les meyores vistes posibles del Lower Manhattan. L'observatoriu, anantes abiertu al públicu, quedó dempués pal esfrute esclusivu de los trabayadores del edificiu. Otra peculiaridá del edificiu ye que foi diseñáu con ascensores de dos pisos, que xubíen xente a dos plantes a la vez, pa intentar facer más rápidu l'accesu de los trabayadores nesta torre, bastante estrencha y con pocos ascensores. L'inventu duró poco tiempu, sicasí, porque foi mui criticáu polos sos usuarios. Pese a ello, los constructores del Citigroup Center volvieron a usar esi sistema nos años 70.
- (n'inglés) Ficha del edificiu na web Skyscrapercenter.com Archiváu 2013-12-12 en Wayback Machine
- (n'inglés) Ficha del edificiu na web Emporis.com
- (n'inglés) Modelu dixital en 3D del edificiu en Google 3D Warehouse (enllaz rotu disponible n'Internet Archive; ver l'historial y la última versión).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
