1984 (novela)
novela de George Orwell / From Wikipedia, the free encyclopedia
1984 (na versión orixinal n'inglés: Nineteen Eighty-Four) ye una novela política de ficción futurista escrita por George Orwell ente 1947 y 1948 y espublizada el 8 de xunetu de 1949. La obra popularizó los conceutos del omnipresente y vixilante Hermanu Grande, de l'habitación 101, de la policía'l Pensamientu y la neofala, adautación del idioma inglés na que se tresforma'l léxicu con envises represivos, sol principiu de que lo que nun forma parte de la llingua nun pue ser pensado.
1984 (novela) | ||||
---|---|---|---|---|
obra lliteraria | ||||
Datos | ||||
Autor | George Orwell | |||
Fecha | 1949 | |||
Xéneru | ciencia ficción social (es) , ficción política (es) , ciencia ficción y ficción distópica (es) | |||
Llingua de la obra | inglés y neofala | |||
País orixinal | Reinu Xuníu | |||
Premios |
top 100 de libros de ciencia ficción y fantasía de la National Public Radio [1] Los 100 llibros del sieglu según Le Monde 20th Century's Greatest Hits: 100 English-Language Books of Fiction | |||
Personaxes | ||||
Llugar de la narración | Londres y Oceanía | |||
Obres derivaes | Nineteen Eighty-Four, 1984, 1984 (en) , 1985 (es) y Nineteen Eighty-Four | |||
Asturianu | ||||
Títulu traducción | 1984 | |||
Traductor | Xesús González Rato | |||
Fecha traducción | 1 d'avientu de 2019 | |||
Númberu de páxines (traducción) | 392 | |||
ISBN | ISBN 978-84-8053-984-5 | |||
| ||||
Munchos analistes detecten paralelismos ente la sociedá actual y el mundu de 1984, suxuriendo que tamos empezando a vivir no que se conoció como sociedá orwelliana,[3] una sociedá onde se manipolia la información y se prautica la vixilancia masiva y la represión política y social. Sicasí, nun hai qu'escaecer qu'estos elementos yá apaecen na novela rusa Nós (1920) de Zamiatin, na que s'inspiró Orwell, y que se considera la novela fundadora de la novela distópica contemporánea. La novela de 1984 ye, sicasí, muncho más popular y el términu «orwellianu» convirtióse en sinónimu de les sociedaes o organizaciones que reproducen actitúes totalitaries y represores como les representaes na novela. La novela foi un ésitu en términos de ventes y convirtióse nun de los más influyentes llibros del sieglu XX.