![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/as/thumb/3/3d/%25E0%25A6%258F%25E0%25A7%25B0%25E0%25A7%2580_%25E0%25A6%2595%25E0%25A6%25BE%25E0%25A6%25AA%25E0%25A7%258B%25E0%25A7%25B0.jpeg/640px-%25E0%25A6%258F%25E0%25A7%25B0%25E0%25A7%2580_%25E0%25A6%2595%25E0%25A6%25BE%25E0%25A6%25AA%25E0%25A7%258B%25E0%25A7%25B0.jpeg&w=640&q=50)
এৰী ৰেচম
From Wikipedia, the free encyclopedia
এৰী ৰেচম (ইংৰাজী: Eri silk) উত্তৰ-পূৱ ভাৰত আৰু চীন তথা জাপানৰ কিছু অঞ্চলত পোৱা ছেমিয়া ৰিচিনি নামৰ এবিধ পলুৰ পৰা আহৰণ কৰা হয়। এৰী নামটো অসমীয়া 'এৰা' শব্দটোৰ পৰা আহৰণ কৰা হৈছে; এৰা হৈছে এবিধ গুল্মজাতীয় উদ্ভিদ (castor plant), ইয়াৰ পাত এৰী পলুৰ প্ৰধান খাদ্য। চীন দেশত বৰকেচেৰু (Ailanthus excelsa) গছৰ পাত খোৱা বাবে এৰী পলুৰ ইংৰাজীত ইয়াৰ খাদ্য-উদ্ভিদজোপাৰ নামেৰে এৰীক 'এইলান্থাছ চিল্ক মথ' বুলিও কোৱা হয়। ভাৰতত এৰী ৰেচমক এণ্ডী অথবা ইৰাণ্ডী বুলিও জনা যায়। এই কাঠ-বগা ৰেচম বিধক অহিংসা ৰেচম বা শান্তিৰ সূতা বুলিও কোৱা হয়। পাটপলুBombyx moriক বাদ দি এৰীয়েই হৈছে সম্পূৰ্ণৰূপে পোহনীয়া কৰা একমাত্ৰ ৰেচম পলু।
![Thumb image](http://upload.wikimedia.org/wikipedia/as/thumb/3/3d/%E0%A6%8F%E0%A7%B0%E0%A7%80_%E0%A6%95%E0%A6%BE%E0%A6%AA%E0%A7%8B%E0%A7%B0.jpeg/640px-%E0%A6%8F%E0%A7%B0%E0%A7%80_%E0%A6%95%E0%A6%BE%E0%A6%AA%E0%A7%8B%E0%A7%B0.jpeg)
কামৰূপ জিলাৰ অন্তৰ্গত শুৱালকুছি অসমৰ প্ৰধান ৰেচম কেন্দ্ৰ। ইয়াত তৈয়াৰ হোৱা মুগা, এৰী আৰু পাটৰ কাপোৰ বিখ্যাত। এইবোৰ কাপোৰেৰে তৈয়াৰ কৰা মেখেলা চাদৰ আৰু গামোচাৰ অসমৰ বাদেও ভাৰতৰ আন ঠাইতো চাহিদা আছে। শুৱালকুছিত অসংখ্য হাতেবোৱা কাপোৰৰ উদ্যোগ থকা বাবে ইয়াক "অসমৰ মানচেষ্টাৰ" (Manchester of Assam) বুলি কোৱা হয়।[1][2] শুৱালকুছিৰ ৯৯ শতাংশ বাসিন্দাই প্ৰত্যক্ষ বা পৰোক্ষভাৱে পাট-মুগাৰ সৈতে জড়িত হৈ আছে[3]। ২০১০ চনৰ পৰিসংখ্যা অনুসৰি অসমত উৎপাদন হোৱা ৮৮ শতাংশ পাট-মুগা বস্ত্ৰ কেৱল শুৱালকুছিতেই উৎপাদন হৈছিল[3]। ১৯৩৯ চনত শুৱালকুছিত তিনিশখন তাঁতশাল আছিল যদিও এতিয়া সেই সংখ্যা বাঢ়ি ২৫,৫৩৮খন হৈছেগৈ [3]।
আগেয়ে অসমৰ শুৱালকুছিত পাট-মুগাৰ শিল্প কেন্দ্ৰীভূত হৈ আছিল যদিও বৰ্তমান অন্যান্য ঠাইলৈকো এই শিল্পই বিস্তাৰ লাভ কৰিছে।
![Thumb image](http://upload.wikimedia.org/wikipedia/commons/thumb/c/c2/%E0%A6%8F%E0%A7%B0%E0%A7%80_%E0%A6%9A%E0%A6%BE%E0%A6%A6%E0%A7%B0_eri_sador.jpg/320px-%E0%A6%8F%E0%A7%B0%E0%A7%80_%E0%A6%9A%E0%A6%BE%E0%A6%A6%E0%A7%B0_eri_sador.jpg)