From Wikipedia, the free encyclopedia
অনজৌ জিলা (Anjaw District, Pron:/ˈændʒɔ:/) উত্তৰ-পূব ভাৰতৰ অৰুণাচল প্ৰদেশ ৰাজ্যৰ এখন জিলা৷ ২০০৪ চনৰ ১৬ ফেব্ৰুৱাৰীত লোহিত জিলাৰ এটা অংশ পৃথক কৰি অনজৌ জিলা গঠন কৰা হয়৷ [2] এই জিলাখন ভাৰতৰ আটাইতকৈ পূব প্ৰান্তত অৱস্থিত জিলা৷[3] এই জিলাখনৰো আটাইতকৈ পূব সীমান্তত থকা গাওঁখনৰ নাম দং (Dong)৷[4] অনজৌ ভাৰতৰ মুঠ ৬৪০ খন জিলাৰ ভিতৰত দ্বিতীয় সৰ্বনিম্ন জনসংখ্যাৰ জিলা৷[5]
অনজৌ জিলা | |
---|---|
![]() অৰুণাচল প্ৰদেশত অনজৌৰ অৱস্থান | |
দেশ | ![]() |
ৰাজ্য | অৰুণাচল প্ৰদেশ |
স্থাপিত | ১৬ ফেব্ৰুৱাৰী ২০০৪ |
সদৰ | হাৱাই |
মহকুমা | হায়ুলিয়াং, হাৱাই, মাঞ্চাল, গৈলিয়াং, ৱালং, কিবিথ’, চগ্লোগাম |
চৰকাৰ | |
• লোকসভা সমষ্টি | অৰুণাচল পূব |
• বিধানসভা সমষ্টি | হায়ুলি্যাং |
কালি | |
• মুঠ | 6,190 km2 (2,390 sq mi) |
উচ্চতা | 1,296 m (4,252 ft) |
জনসংখ্যা (2011)[1] | |
• মুঠ | 21,089 |
• ঘনত্ব | 3.4/km2 (8.8/sq mi) |
অনজৌ জিলাৰ উত্তৰে চীন৷ জিলাখনৰ সদৰ ঠাই হাৱাই (Hawai)৷ এই নগৰখন সাগৰ পৃষ্ঠৰ পৰা ১২৯৬ মিটাৰ উচ্চতাত লোহিত নদীৰ পাৰত অৱস্থিত৷ জিলাখনৰ অন্যন্য মূল নদীবোৰ হৈছে: লাম (Lam), টিদিং (Tidding), দালাই (Dalai), ক্ৰটি (Krowti), ডিচ্চু (Dichu), লাটি (Lati), ক্লুং (Klung), দাভ (Dav), তেলুৱা (Telua), আম্পানী (Ampani), চৰতি (Sarti) ইত্যাদি৷[3]
শেহতীয়াকৈ প্ৰস্তাৱিত মেকমোহন লাইনেৰে মাগ’ (Mago)- থিংবু (Thingbu) ৰ পৰা বিজয়নগৰ অৰুণাচল প্ৰদেশ ফ্ৰন্টিয়াৰ ঘাইপথ (Vijaynagar Arunachal Pradesh Frontier Highway) এই জিলাৰ মাজেৰে অতিক্ৰম কৰিব৷[6][7][8][9]
জিলাখনৰ অৰ্থনীতি কৃষিৰ ওপৰত নিৰ্ভৰশীল৷ ইয়াত উৎপাদিত মূল শস্যবোৰ হৈছে গোমধান, কুনীধান (millet), ধান, মাহ, ইলাচী, কমলা, আপেল ইত্যাদি৷[10]
এই জিলাখনত অৰুণাচল প্ৰদেশৰ বিধানসভাৰ এটা সমষ্টি আছে: হায়ুলি্যাং (Hayuliang)৷ জিলাখন পূব অৰুণাচল লোক সভা সমষ্টিৰ অন্তৰ্গত৷[11]
জিলাখনৰ মহকুমাসমূহ হৈছে:
২০১১ চনৰ লোকপিয়ল অনুসৰি অনজৌ জিলাৰ মুঠ জনসংখ্যা ২১,০৮৯ জন৷[12] ভাৰতৰ ৬৪০ খন জিলাৰ ভিতৰত জনসংখ্যাৰ ফালৰ পৰা এই জিলাৰ স্থান ৬৩৯ তম৷[12] জিলাখনত জনবসতিৰ ঘনত্ব প্ৰতি বৰ্গ কিলোমিটাৰত মাথোঁ তিনিজন৷[12] এই জিলাৰ জনসংখ্যা বৃদ্ধিৰ হাৰ ২০০১-২০১১ দশকত ১৩.৭৭% আছিল৷ অনজৌৰ প্ৰতি ১০০০ গৰাকী পুৰুষৰ বিপৰীতে মহিলাৰ সংখ্যা ৮০৫ জন[12] আৰু সাক্ষৰতাৰ হাৰ ৫৯.৪%৷[12]
অনজৌ জিলাৰ অধিবাসীসকল মূলতঃ মিছমি আৰু জাখৰিং (Zakhring) জনজাতিৰ লোক৷[13]
অনজৌ জিলা জৈৱবৈচিত্ৰ্য অত্যন্ত সমৃদ্ধ৷ এই জিলাৰ বহুতো আপুৰুগীয়া জীৱজন্তু যেনে মিচমি টাকিন (Mishmi takin), Red goral, Gongshan muntjac, Leaf muntjac আৰু চৰাই যেনে Sclater's Monal আদি দেখা পোৱা যায়৷ ইয়াত পোৱা পাইন প্ৰজাতি Pinus merkusii উত্তৰ-পূব ভাৰততে বিৰল৷[14] তাৰোপৰি ইয়াত flying squirrel-ৰ এবিধ নতুন প্ৰজাতিও আৱিষ্কাৰ হৈছে যাৰ নাম Mishmi Hills Giant Flying Squirrel, Petaurista mishmiensis.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.