ৰ’দ্‌ (চলচ্চিত্ৰ)

ৰ’দ্‌ (ইংৰাজী: Rowd) ২০১২ চনৰ ৫ অক্টোবৰত মুক্তিপ্ৰাপ্ত এখন অসমীয়া ভাষাত নিৰ্মিত চলচ্চিত্ৰ৷ এই চলচ্চিত্ৰখনৰ মুখ্য পৰিকল্পনাকাৰী হৈছে তপন বৰদলৈ৷ কাহিনী আৰু স্ক্ৰীণপ্লে' গৌতম বৰুৱাৰ। স্ক্ৰীপ্ট লিখিছে চিৰন্তন মহন্ত, অসীম কৃষ্ণ আৰু ৰুপম দত্তই৷ এম বি প্ৰডাকশ্যনৰ বেনাৰত গৌতম বৰুৱাই পৰিচালনা কৰা ছবিখনৰ প্ৰযোজনা কৰিছে মৌচুমী বৰদলৈয়ে৷

ৰ’দ্‌
ৰ’দ্‌ চলচ্চিত্ৰৰ পোষ্টাৰ
পৰিচালক	গৌতম বৰুৱা
কাহিনী	গৌতম বৰুৱা
প্ৰযোজক	মৌচুমী বৰদলৈ
অভিনয়ত	উৎপল দাস, মুনমী ফুকন, মনালী বৰদলৈ, দিগন্ত হাজৰিকা
চিত্ৰগ্ৰহণকাৰী	বিশ্বভূষণ মহাপাত্ৰ, বিপুল দাস, প্ৰদীপ দৈমাৰী
সংগীত পৰিচালক	যতীন শৰ্মা
প্ৰযোজনা কোম্পানী	এম. বি. ফিল্মছ
মুক্তি	৫ অক্টোবৰ, ২০১২[1]
দেশ	ভাৰত
ভাষা	অসমীয়া

কাহিনী

চাকৰিসূত্ৰে হিমাচল প্ৰদেশৰ মানালীত দেউতাকৰ সৈতে থকা এটা মধ্যবিত্ত পৰিয়ালৰ এজন অসমীয়া যুৱক আৰু সেই ঠাইৰেই এজন ধনী লোকৰ একমাত্ৰ জীয়ৰীক মূখ্য কেন্দ্ৰ কৰি নিৰ্মান কৰা এই বোলছবিত নতুন প্ৰজন্মৰ প্ৰেম, বিচ্ছেদ আৰু সংঘাটৰ বিষয়ে দেখুওৱা হৈছে^[2]৷

নিৰ্মাণ

‘‘ৰ’দ্‌’’ চলচ্চিত্ৰখনৰ প্ৰায় ৪০ শতাংশ দৃশ্যগ্ৰহণ মানালী আৰু নতুন দিল্লীত কৰা হৈছে। বাকী দৃশ্যগ্ৰহণ গুৱাহাটী, শ্বিলং আৰু চেৰাপুঞ্জীত কৰা হৈছে।

অভিনয় শিল্পী

চলচ্চিত্ৰখনত মুখ্য চৰিত্ৰসমূহতত অভিনয় কৰিছে উৎপল দাস, দিগন্ত হাজৰিকা, মুনমী ফুকন, নৱাগতা মনালী বৰদলৈ৷ তদুপৰি অভিনেতা বিজু ফুকন, জয়ন্ত ভাগৱতী, হিৰণ্য ডেকা, তপন বৰদলৈ, ভগৱত প্ৰীতম, নিকুমণি বৰুৱা, পৱিত্ৰ মাৰ্ঘেৰিটা, ৰাজীৱ বৰা, পদ্মৰাগ গোস্বামী, পাৰ্থসাৰথি মহন্ত, নিলীম নাথ, নিৰ্মল নাথ, অৰুন্ধতী, নৱীন শৰ্মাৰ উপৰি শিশু শিল্পী অৰিন্দম বৰদলৈ আৰু গাৰ্গী শৰ্মাই অভিনয় কৰিছে৷

সংগীত

ৰ'দ্
গৌতম বৰুৱাৰ বোলছবি
মুক্তি	২০১২
শৈলী/ধৰণ	বোলছবি সংগীত
লেবেল	Times Music
প্ৰযোজক	মৌচুমী বৰদলৈ

ৰ'দ্ৰ সংগীত পৰিচালক যতীন শৰ্মা। গীতৰ কথা ৰাজদ্বীপ, জনঞ্জয় শইকীয়া আৰু মানস মহন্তৰ।

গীতৰ তালিকা
নং	শিৰোনাম	গীতিকাৰ	গায়ক/গায়িকা	দৈৰ্ঘ্য
1.	"সূৰুযমুখী"	জনঞ্জয় শইকীয়া	অংগৰাগ	৪:৩৯
2.	"পখী পখী"	ৰাজদ্বীপ	অংগৰাগ, ৰূপজ্যোতি দেৱী	৫:১৯
3.	"তুফানী হৈ"	মানস মহন্ত	জুবিন গাৰ্গ	৪:১৩
4.	"আছিলোঁ ক'তেনো"	জনঞ্জয় শইকীয়া	জুবিন গাৰ্গ, মহালক্ষ্মী আয়াৰ	৪:৩৫
5.	"ৰঙীন পলিথিন"	মানস মহন্ত	ৰাজজ্যোতি কোঁৱৰ	৬:৫০
6.	"কিনো যাদু"	ৰাজদ্বীপ	শ্ৰেয়া ফুকন	৩:১০
7.	"তুফানী (ক্লাব্ মিক্স)"	মানস মহন্ত	ৰাজজ্যোতি কোঁৱৰ, সৌৰিন চৌধুৰী	৪:৪৪
8.	"Triangle"	সৌৰিন চৌধুৰী	সৌৰিন চৌধুৰী
মুঠ দৈৰ্ঘ্য:				৩৭:৩৫

কাৰিকৰী খুঁটি-নাটি

‘‘ৰ’দ্‌’’ চলচ্চিত্ৰখনত কেনন ফাইভ কেমেৰাৰে ৩৫ মিলিমিটাৰত দৃশ্যগ্ৰহণ কৰা হৈছে^[2]৷ চিনেমাট’গ্ৰাফীৰ কাম বিশ্বভূষণ মহাপাত্ৰ (মুম্বাই), বিপুল দাস, প্ৰদীপ দৈমাৰীয়ে কৰিছে^[2]৷