![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d5/Raghuram_Rajan%252C_IMF_69MS040421048l.jpg/640px-Raghuram_Rajan%252C_IMF_69MS040421048l.jpg&w=640&q=50)
ৰঘূৰাম ৰাজন
ভাৰতীয় অৰ্থনীতিবিদ / From Wikipedia, the free encyclopedia
ৰঘূৰাম গোবিন্দ ৰাজন (ইংৰাজী: Raghuram Govinda Rajan; তামিল: ரகுராம் கோவிந்தராஜன்) এগৰাকী ভাৰতীয় অৰ্থনীতিবিদ তথা ভাৰতীয় ৰিজাৰ্ভ বেংকৰ ২৩তম গভৰ্ণৰ। তেওঁ ২০১৩ চনৰ ৪ ছেপ্টেম্বৰত কাৰ্যভাৰ গ্ৰহণ কৰে। তেওঁ চিকাগো বিশ্ববিদ্যালয়ৰ বুথ স্কুল অফ বিজনেছত এৰিক জে. গ্লিচ্চাৰ বিত্ত বিভাগৰ গণমান্য সেৱা অধ্যাপক হিচাপেও কাৰ্যনিৰ্বাহ কৰিছিল। ৰাজন বিশ্ব বেংক, ফেডাৰেল ৰিজাৰ্ভ ব'ৰ্ড আৰু চুইডিছ সংসদৰ এজন নিৰীক্ষকো আছিল। পূৰ্বতে তেওঁ আমেৰিকান বিত্তীয় সংগঠনৰ সভাপতিৰ দায়িত্বত থকাৰ লগতে আন্তঃৰাষ্ট্ৰীয় মুদ্ৰা নিধিৰ মুখ্য অৰ্থনীতিবিদ হিচাপে কাৰ্যনিৰ্বাহ কৰিছিল। ভাৰত চৰকাৰৰ সৈতে তেওঁৰ পূৰ্বৰ কাম-কাজসমূহৰ ভিতৰত অৰ্থনৈতিক সংশোধনৰ উদ্দেশ্যৰে পৰিকল্পনা আয়োগৰদ্বাৰা গঠিত এক কমিটিৰ সঞ্চালক আৰু প্ৰধানমন্ত্ৰী ড॰ মনমোহন সিঙৰ অৰ্থনৈতিক উপদেষ্টা হিচাপে কাৰ্যনিৰ্বাহ কৰাই প্ৰধান। ২০১৩ চনৰ ৬ আগষ্টত তেওঁক ভাৰতীয় ৰিজাৰ্ভ বেংকৰ ২৩তম গভৰ্ণৰ হিচাপে নিযুক্তি দিয়া হয় আৰু ৪ ছেপ্টেম্বৰত তেওঁ পূৰ্বৰ গভৰ্ণৰ ড॰ ডি চুব্বাৰাওৰ পৰা কাৰ্যভাৰ গ্ৰহণ কৰে।
ৰঘূৰাম ৰাজন | |
---|---|
![]() ২০০৪ চনত ৰঘূৰাম ৰাজন | |
ভাৰতীয় ৰিজাৰ্ভ বেংকৰ ২৩তম গভৰ্ণৰ | |
কাৰ্যকাল ৪ ছেপ্টেম্বৰ ২০১৩ – ৪ ছেপ্টেম্বৰ ২০১৬ | |
পূৰ্বসূৰী | ডুভাৰি চুব্বাৰাও |
উত্তৰসূৰী | উৰ্জিত পেটেল |
ব্যক্তিগত তথ্য | |
জন্ম | ০৩ ফেব্ৰুৱাৰী, ১৯৬৩ (৬১ বছৰ) ভূপাল, ভাৰত |
ৰাষ্ট্ৰীয়তা | ভাৰতীয় |
দাম্পত্যসঙ্গী | ৰাধিকা পুৰী |
শিক্ষানুষ্ঠান | আই আই টি দিল্লী (বি.টেক.) আই আই এম আহমদাবাদ (এম বি এ) মেছাচুচেটছ ইনষ্টিটিউট অফ টেকন'লজি (পি এইচ ডি) |
পুৰস্কাৰ | ২০০৩ ফিচাৰ ব্লেক পুৰস্কাৰ ২০১০ ফাইনেঞ্চিয়েল টাইমছ এণ্ড গ'ল্ডমেন ছেচ বিজনেছ বুক অফ দ্য ইয়েৰ এৱাৰ্ড |
স্বাক্ষৰ | ![]() |
২০১৬ চনত টাইম আলোচনীয়ে ৰাজনক বিশ্বৰ ১০০ জন অতিশয় প্ৰভাৱশালী ব্যক্তিৰ তালিকাত স্থান দিয়ে।[1][2] ৰাজনে বিশ্বৰ কেন্দ্ৰীয় বেংকসমূহৰ শ্ৰেষ্ঠ গভৰ্ণৰসকলৰ এগৰাকী হিচাপে বঁটা/স্বীকৃতি লাভ কৰিছে।[3]