সদস্য:DC Assam/sandbox
From Wikipedia, the free encyclopedia
মহাভাৰতৰ মূল চৰিত্ৰ সমূহৰ ভিতৰত কৰ্ণ (Sanskrit: कर्ण ) এজন। কৰ্ণ আছিল অঙ্গ ৰাজ্য (বৰ্তমানৰ ভাগলপুৰ আৰু মুঙ্গেৰ)ৰ ৰজা। মহাভাৰতৰ প্ৰতাপী যোদ্ধা সমূহৰ ভিতৰত কৰ্ণ আছিল অন্যতম, যোদ্ধা হিচাপে কৰ্ণ স্বয়ং কৃষ্ণ আৰু পিতামহ ভীষ্মৰ শ্ৰদ্ধাৰ পাত্ৰ আছিল।
![Thumb image](http://upload.wikimedia.org/wikipedia/commons/thumb/6/6f/Arjuna_and_His_Charioteer_Krishna_Confront_Karna.jpg/640px-Arjuna_and_His_Charioteer_Krishna_Confront_Karna.jpg)
কৰ্ণ আছিল সূৰ্য দেৱ আৰু কুন্তীৰ পুত্ৰ, কুন্তীয়ে ৰজা পাণ্ডুৰ সৈতে বিবাহৰ পূৰ্বে কৰ্ণক জন্ম দিছিল। দুৰ্যোধনৰ প্ৰিয়তম বন্ধু কৰ্ণই, কুৰুক্ষেত্ৰ যুদ্ধত দুৰ্যোধনৰ পক্ষত থাকি নিজৰ ভাতৃসকল (পাণ্ডৱ)ৰ বিৰুদ্ধে যুদ্ধ কৰিছিল। জীৱনৰ অলেখ দুৰ্ভাগ্য আৰু বহুতো অভিশাপে কৰ্ণৰ দায়িত্ববোধ, বা দুৰ্যোধনৰ সৈতে বন্ধুত্বত কেতিয়াও প্ৰভাৱ পেলাব পৰা নাছিল। কুৰু ৰাজসভাত দ্ৰৌপদীৰ বস্ত্ৰ হৰণ আৰু সপ্তৰথীয়ে মিলি কুমাৰ অভিমণ্যুক হত্যা কৰা কাৰ্যই কৰ্ণৰ ব্যক্তিত্ব কিছু ম্লান কৰে যদিও কৰ্ণক মহাভাৰতত এজন মহান যোদ্ধা আৰু দানবীৰ হিচাপে স্বীকৃতি দিয়া হৈছে। মহাৰথী কৰ্ণ হিচাপেও তেওঁ জনাজাত আছিল।
বহুতৰ মতে কৰ্ণই মহাভাৰতৰ শ্ৰেষ্ঠ যোদ্ধা, কৰ্ণ মাতৃ কুন্তীক দিয়া প্ৰতিশ্ৰুতিত বন্দী আৰু তিনিটা অভিশাপেৰে জৰ্জৰিত হোৱাৰ বাবেহে ভাতৃ অৰ্জুনে তেওঁক পৰাস্ত কৰিব পাৰিছিল।