![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Xylem_and_phloem_diagram_as.svg/langas-640px-Xylem_and_phloem_diagram_as.svg.png&w=640&q=50)
সংবহন কলা
From Wikipedia, the free encyclopedia
সংবহন কলা হৈছে উচ্চখাপৰ উদ্ভিদত পোৱা কেইবাপ্ৰকাৰৰ কোষেৰে গঠিত এক জটিল কলা। সংবহন কলাৰ প্ৰাথমিক উপাদান দুটা হৈছে জাইলেম আৰু ফ্ল'ৱেম। এই কলাসমূহে উদ্ভিদৰ অন্তৰ্ভাগত পানী, লৱন আৰু পুষ্টিৰ পৰিবহন কৰে। ইয়াৰ উপৰিও ভাছকুলাৰ কেমবিয়াম আৰু কৰ্ক কেমবিয়াম নামৰ দুবিধ ভাজক কলা সংবহন কলাৰ সৈতে সংলগ্ন হৈ থাকে। কোনো এজোপা নিৰ্দিষ্ট উদ্ভিদৰ সমষ্ট সংবহন কলা লগ লাগি সংবহন কলাতন্ত্ৰৰ গঠন কৰে।
এই চমু প্ৰবন্ধটো বহলাই লিখা প্ৰয়োজন। আপুনিও ইচ্ছা কৰিলে যোগদান কৰিব পাৰে। সহায় কৰিবৰ বাবে ইয়াত ক্লিক কৰক। আপুনি যদি নবাগত তেন্তে ৱিকিপিডিয়াত সম্পাদনা কৰাৰ আগতে অনুগ্ৰহ কৰি সহায়িকাখনত এবাৰ চকু ফুৰাব। |
![](http://upload.wikimedia.org/wikipedia/commons/thumb/7/78/Xylem_and_phloem_diagram_as.svg/320px-Xylem_and_phloem_diagram_as.svg.png)
সংবহন কলা গঠন কৰা কোষসমূহ দীঘল আৰু নলীকাসদৃশ হয়। ফ্ল'ৱেমৰ কোষবোৰ এটা আনটোৰ লগত দীঘলে দীঘলে লগ লাগি নলীকাৰ সৃষ্টি কৰে। উদ্ভিদৰ ভাজনশীল অগ্ৰাংশত নতুনকৈ সৃষ্টি হোৱা কিছুমান কোষ সংবহন কলালৈ ৰূপান্তৰ ঘটে আৰু পুৰণা সংবহন কলাৰ লগত সংলগ্নহৈ সংবহন কলাতন্ত্ৰৰ ধাৰাবাহিকতা ৰক্ষা কৰে। উদ্ভিদৰ সংবহন কলাবোৰ দীঘলীয়া আৰু শাৰীবদ্ধভাৱে সজ্জিতহৈ সংবহন গুচ্ছৰ গঠন কৰে। এই গুচ্ছবোৰত জাইলেম আৰু ফ্ল'ৱেমৰ লগতে সহায়কাৰী আৰু সুৰক্ষাপ্ৰদানকাৰী কোষো থাকে।