ভাৰতীয় ৰাজনৈতিক দল From Wikipedia, the free encyclopedia
আম আদমি পাৰ্টী (ইংৰাজী: Aam Aadmi Party; সংক্ষেপে আপ; অৰ্থ: সাধাৰণ লোকৰ দল) এক ভাৰতীয় ৰাজনৈতিক দল। ইয়াৰ আনুষ্ঠানিক আৰম্ভ হয় ২০১২ চনৰ ২ নৱেম্বৰ তাৰিখে আৰু বৰ্তমানে ই ৰাষ্ট্ৰীয় ৰাজধানী অঞ্চল দিল্লী আৰু পঞ্জাবৰ শাসকদল। ২০১১ চনৰ পৰা জন লোকপাল বিলৰ দাবীত ভাৰতত হোৱা যি দুৰ্নীতিৰ বিৰোধী আন্দোলন, তাক ৰাজনীতিকৰণ কৰিব লাগে নে নালাগে তাক লৈ নেতাকৰ্মী অৰবিন্দ কেজৰিৱাল আৰু আন্না হাজাৰেৰ মাজত হোৱা মতবিৰোধৰ পাছত এই দলটোৰ গঠন হয়। আন্না হাজাৰেই বিচাৰিছিল যে এই আন্দোলন অৰাজনৈতিক হোৱা উচিত, কিন্তু অৰবিন্দ কেজৰিৱালৰ অনুসৰি আন্দোলনৰ পথ ব্যৰ্থতাৰ বাবে সক্ৰীয়ভাবে ৰাজনীতিত জড়িত হোৱা প্ৰয়োজন।
আম আদমি পাৰ্টী | |
---|---|
নেতা | অৰবিন্দ কেজৰিৱাল |
সংসদীয় সভাপতি | |
লোকসভাত নেতা | |
ৰাজ্যসভাত নেতা | |
প্ৰতিষ্ঠা | ২৬ নৱেম্বৰ ২০১২ |
মূখ্য কাৰ্যালয় | ২০৬,ৰাউজ এভিনিউ, দীন দয়াল উপাধ্যায় মাৰ্গ, আই টি অ', নতুন দিল্লী- ১১০০০২[1] |
ৰাজনৈতিক মতাদৰ্শ | স্বৰাজ দুৰ্নীতি বিৰোধীতা |
ৱেবছাইট | www |
দলটোৱে ২০১৩ চনৰ দিল্লী বিধানসভা নিৰ্বাচনত প্ৰথমবাৰৰ বাবে প্ৰতিদন্দ্বীতা কৰে, য'ত ২৮খন সমষ্টিত বিজয়ী হৈ দ্বিতীয় বৃহত্তম দল হিচাবে আত্মপ্ৰকাশ কৰে। কোনো দলে পূৰ্ণ সংখ্যাগৰিষ্ঠতা নোপোৱাৰ ফলত আপে ভাৰতীয় জাতীয় কংগ্ৰেছৰ শৰ্তাধীন সমৰ্থনৰ বলত এক সংখ্যালঘু চৰকাৰ গঠন কৰে। দলটো কাৰ্যক্ৰমণিকাৰ এক উল্লেখযোগ্য অংশ আছিল ৰাষ্ট্ৰীয় ৰাজধানী অঞ্চল দিল্লীত জন লোকপাল বিলখন দ্ৰুততাৰে প্ৰচলন কৰা। নিৰ্বাচনৰ পাছত যেতিয়া স্পষ্ট হৈ পৰিল যে অন্য ডাঙৰ দলসমূহে এই বিলখনক সমৰ্থন নকৰে, তেতিয়া আপ চৰকাৰে ৪৯ দিনৰ ক্ষমতাৰ পাছত পদত্যাগ কৰে।
২০১৫ চনৰ দিল্লী বিধানসভা নিৰ্বাচনত, আম আদমি পাৰ্টীয়ে ৭০খন আসনৰ ভিতৰত ৬৭খনতে জয় লাভ কৰে। ভাৰতৰ দুটা মুখ্য ৰাজনৈতিক দল ভাৰতীয় জনতা পাৰ্টিয়ে ৩খন বিজয় লাভ কৰে আৰু ভাৰতীয় জাতীয় কংগ্ৰেছে কোনো আসনতে বিজয় লাভ নকৰিলে।[2]
নিম্নলিখিত সংস্থাৰে দলটোৰ নেতৃত্ব গঢ় লৈ উঠিছে:
অৰবিন্দ কেজৰিৱাল আম আদমি পাৰ্টীৰ ৰাষ্ট্ৰীয় আহ্বায়ক। ৰাষ্ট্ৰীয় সম্পাদক: পংকজ গুপ্তা[3]
ৰাষ্ট্ৰীয় কোষাধ্যক্ষ: নাৰায়ণ দাস গুপ্তা
ৰাজনৈতিক পৰিক্ৰমা সমিতিৰ বৰ্তমানৰ সদস্য হৈছে অৰবিন্দ কেজৰিৱাল, মনীষ ছিছ’দিয়া, সঞ্জয় সিং, আতিশী, সাধু সিং, গোপাল ৰায় আৰু দুৰ্গেশ পাঠক। পংকজ কুমাৰ গুপ্তা (ৰাষ্ট্ৰীয় সম্পাদক) আৰু নাৰায়ণ দাস গুপ্তা (ৰাষ্ট্ৰীয় কোষাধ্যক্ষ) হৈছে পিএচিৰ পূৰ্বৰ সদস্য।[4]
দলটোৰ ৰাষ্ট্ৰীয় কাৰ্যকৰী সমিতিত ২০২২ চনত ৩৪ জন সদস্য আছে।
দলটোৰ ৰাজ্যিক নেতৃত্বই ৰাজ্যিক শাখাসমূহ পৰিচালনা কৰে।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.