From Wikipedia, the free encyclopedia
النيزك ( بالإنجليزيه "meteoroid" و اصلها "meteor" و هيا كلمه مشتقه من الكلمه (اليونانيه "meteōros") و معناها مرتفع فى الهوا) هوا جسيم فى النظام الشمسى بيتكون من حطام الصخور و ممكن يكون حجمه قد حبات الرمل الصغيره او بحجم صخره كبيره, المسار المتشاف للنيزك اللى بيدخل الغلاف الجوى الخاص بكوكب الارض اسمه الشهاب, كمان الاسم الشايع ليه هوا "الشهاب الساقط" ولو وصل النيزك سطح الارض فيكون اسمه الحجر النيزكى و فيه شهب بتعتبر جزء من زخات الشهب.
الشهب الساقطه كانت معروفه من زمان بس الظاهره ما اعتبرتش ظاهره فلكيه إلا فى اوائل القرن التسعتاشر.
1- النيازك الحديديه Iron Meteorites : و متكونه من اكتر من 98% من الحديد و النيكل.
2- النيازك الحديديه الحجريه Stony-Iron Meteorites: نصها مكون تقريبا من الحديد و النيكل و النصف التانى من نوع الصخر المعروف باسم الـ"اوليفين".
3- النيازك الحجريه Stony Meteorites: اللى بتشتمل على حجاره, و بتنقسم حجارتها لاكتر من نوع.
1) حزام الكويكبات: و هوا من اهم مصادر النيازك اللى ممكن توصل الارض, و موجود ما بين مدارى المريخ و المشترى مسافه كبيره بتحتوى كتير من الكتل الصخريه اللى بتكون احجامها ما بين حجم الزلط لمئات من الاميال فى العرض, و كتلة كل الصخور ما تزيدش عن 5% من كتلة القمر, و الكبير منها اسمه الكويكبات و ساعات بتنطلق كتل صخريه من مدارها و بتدخل جو الارض.
2) حزام كيوبر: و بيضم عدد كبير من الاجسام بس خطرها اقل بسبب وجود كوكب المشترى الى ليه جاذبيه رهيبه و اللى بيقلل من احتمال وصولها لينا.
3) الاجرام الناتجه عن صدام جسم بواحد من الكواكب, و الاجسام دى بتسبح بشكل متواصل فى المجموعه الشمسيه, و ممكن تشكل خطر باصطدامها بكوكب الارض.
الشهاب هوا شعاع ضوئى مرئى بيتكون لما يخترق النيزك الغلاف الجوى للارض و الشهب بتتكون فى المتكور الاوسط و معظمها ارتفاعه ما بين 75 كيلومتر و 100 كيلومتر.
الكره الناريه هيا واحد من الشهب اللى بتكون متوهجه بشكل اكتر من العادى.
النيازك بتدور حولين الشمس فى مدارات مختلفه بشكل كبير و فيه نيازك بتدور مع بعض فى مدارات متماثله, و ممكن تكون بقايا المذنبات اللى بتكون وابلا شهبيا بينزل الارض, و ممكن ينتشر الحطام المتخلف عن الغازات الناتجه عن مرور الشهاب فى النهايه فى مدارات تانيه مختلفه و فيه نيازك تانيه ما بترتبطش باى سيل من النيازك المشتركه فى الاتجاه و السرعه .
| ||||
---|---|---|---|---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.