نعمان عاشور
From Wikipedia, the free encyclopedia
نعمان عاشور ( ميت غمر ، الدقهليه ، 17 يناير 1918 - القاهره ، 5 ابريل 1987 ) كاتب مسرحى مصرى كبير بيعتبر رائد المسرح الواقعى فى مصر و بينتمى لجيل الخمسينات و الستينات من القرن العشرين اللى ساهمو مساهمه كبيره فى تطوير المسرح المصرى زى الفريد فرج و محمود دياب و سعد الدين وهبه و ميخائيل رومان و يوسف ادريس و غيرهم.
| ||||
---|---|---|---|---|
معلومات شخصيه | ||||
تاريخ الميلاد | يناير 1918 ![]() | |||
تاريخ الوفاة | 5 ابريل 1987 (68–69 سنة)[1][2] ![]() | |||
مواطنه | ![]() ![]() | |||
الحياه العمليه | ||||
المدرسه الام | جامعة القاهره ![]() | |||
المهنه | كاتب مسرحيات ، وشاعر ، وكاتب ![]() | |||
اللغات المحكيه او المكتوبه | عربى ![]() | |||
تعديل مصدري - تعديل ![]() |
اتولد نعمان عاشور فى مدينه ميت غمر فى محافظه الدقهليه سنه 1918. من صغره كان بيحب القرايه و كان جده عنده مكتبه كبيره فيها كتب من مجالات مختلفه. فى صغره كان بيترد على مسارح شارع عماد الدين فى القاهره و لما خلص المدرسه دخل جامعه فؤاد الاول فى القاهره و اتخصص فى اللغه و الادب الانجليزى و اتخرج سنه 1942. بعد ما اتخرج اتصل بالحركه الادبيه المصريه اللى ظهرت بعد الحرب العالميه التانيه و اللى اهتمت بمشاكل المجتمع و تطوراته ، و برز اسمه بين جماعه من الادبا و المثقفين الشبان من طلايع الحركه الادبيه و الفنيه فى الخمسينات و الستينات.
بدأ نعمان عاشوريكتب للمسرح طوالى بعد ما اتخرج من الجامعه و قدم مسرحيه " المغماطيس " سنه 1950. لكن بدايته القويه ابتدت مع مسرحيته " الناس اللى تحت " اللى مثلتها فرقه المسرح الحر سنه 1956 و بقت بتعتبر علامه فارقه فى تاريخ المسرح المصرى.
كتب نعمان عاشور للمسرح و قدم نوعيه جديده من الفن المسرحى ما كانتش معروفه فى مصر قبله. و اهتم بالفكره و القضيه اللى بيعرضها اكتر من اهتمامه بالإطار المسرحى المتوارث و الثابت. اعماله المسرحيه بتعتبر تطوير فى بنيه المسرحيات و لغتها و اسلوب تناول مواضيعها و اشتباكها المسرحى مع الواقع بكل اللى فيه من قضايا وطنيه و سياسيه كانت مطروحه وقتها.
نشر نعمان عاشور مسرحياته فى مجلدين اصدرتهم الهيئه المصريه العامه للكتـاب فى مجلدين ، الاولانى صدر سنه 1974 و فيه مسرحيات " المغماطيـس " و " الناس اللـى تحت " و " الناس اللى فوق " و" سيما أونطه " و " جنس الحريم ". و المجلد التانى ظهر سنه 1976 و فيه مسرحيات " وابور الطحين " و " عيله الدوغرى " و " تلات ليالى " و " بلاد بره " و " سرالكون ".
اتوفى نعمان عاشور فى 5 ابريل سنه 1987 بعد ما ساهم مساهمه كبيره فى تطوير المسرح المصرى.