كويكب
جرم سماوى / From Wikipedia, the free encyclopedia
ويكب أو كوكب سيار, هو كوكب صغير ليه مدار حولين الشمس او كوكب تانى , و الاسم دا فى الغالب بيكون على الكواكب الصغيره اللى ضمن حدود المجموعه الشمسيه الداخليه.[1]
فيه ملايين من ال كويكبات باحجام متنوعه و مختلفه, أغلبها اصله بقايا متشظيه من الكواكب المصغره, و هى أجرام اتشكلت فى بدايه عمر الشمس لما كانت سديم, بس ما كبرتش زى الكواكب التانيه,[2] اغلب الكويكبات المعروفه موجوده فى حاجه اسمها حزام الكويكبات بين المريخ و المشترى, أو مشتركه فى مدارها مع مدارات الكواكب, زى كوكب المشترى. الكويكبات بتتصنف حسب خصائصها الطيفيه و غالبيتها بتكون واحد من تلات أنواع: كويكب من النوع سى (C), و النوع اس (S), و النوع ام (M), النوع (C) غنى بالكربون, النوع (S) صخرى, النوع (M) فهو معدنى.[3]
الكويكبات بتختلف عن المذنّبات و النيازك بالتركيب, فالكويكبات بتتكون أساسا من المعادن و الصخور, اما المذنبات بتتكون أساسا من الغبار و الجليد و الكويكبات اتشكلت قريبه من الشمس اللى منع تشكل الجليد عليها و الفارق الأساسى و هو الحجم بسر النيازك متر واحد و أقل اما قطر الكويكبات أكتر من مترو ممكن تتكون النيازك من مواد المذنبات أو الكويكبات.[4]
أعلنت الامم المتحده يوم 30 يونيه يوم دولى للكويكب لتثقيف الشعوب عن الكويكبات و هو ذكرى صدام كويكب تونجوسكا على سيبيريا, الاتحاد الروسى سنه 1908.[5]