From Wikipedia, the free encyclopedia
كمال وليم يونان الملاخ ( اسيوط، 26 اكتوبر 1918 او 1920 - القاهره ، 29 اكتوبر 1987 ) كاتب و صحفى وعالم اثار واديب مصرى ومؤسس مهرجانات السينما. اسس الجمعيه المصريه لكتاب ونقاد السينما فى سنه 1973.واسس برضه مهرجانات القاهره و الاسكندريه السينمائيه . كمان اسس مهرجان مجاويش السينمائى بالبحر الاحمر, ومهرجان أسوان السينمائى اللى استمروا لسنين وتوقفوا قبل وفاته.
| ||||
---|---|---|---|---|
![]() | ||||
معلومات شخصيه | ||||
الميلاد | 26 اكتوبر 1918 [1] | |||
تاريخ الوفاة | 29 اكتوبر 1987 (69 سنة)[1] | |||
مواطنه | ![]() | |||
الحياه العمليه | ||||
المدرسه الام | جامعة القاهره | |||
المهنه | صحفى | |||
اللغه الام | عربى | |||
اللغات المحكيه او المكتوبه | عربى | |||
تعديل مصدري - تعديل ![]() |
اتولد كمال الملاخ فى اسيوط سنة 1918 و فيه روايه تانيه بتقول انه اتولد سنة 1920. بعد ما خلص تعليمه المدرسى دخل كلية الفنون الجميله فى جامعة القاهره قسم عماره و اخد البكالريوس سنة 1943 و بعدين دخل معهد الدراسات العليا للآثار فى كلية الاداب جامعة القاهرة و اخد ماجستير فى اللغه المصريه القديمه و الاثار سنة 1948.
بدأ كمال الملاخ حياته الوظيفيه كمهندس معمارى و بعدين ظابط احتياط فى سلاح المهندسين و بعدها بقى مدرس فى كلية الفنون الجميله و فى معهد السينما و الجامعه الامريكيه فى القاهره. حياته الصحفيه بدأها كرسام و بعدين كناقد فنى فى جورنال الاهرام سنة 1950. اشتغل كمان استاذ زائر فى كلية الاثار فى جامعة القاهره، و فى كلية الفنون الجميله و فى المعهد العالى للسينما.
شارك فى ترميم تمثال ابو الهول و الاهرامات ، و كان عضو فى الجمعيه الجغرافيه العالميه فى امريكا اللى اختارته عضو فخرى فيها ، و كان كمان عضو فى المجلس الاعلى لهيئة الاثار و فى مجلس تحرير جورنال الاهرام ، و اختارته وزارة الثقافه عشان يمثل مصر فى افتتاح معرض توت عنخ امون فى لندن فى سبعينات القرن العشرين.
كمال الملاخ نال تكريم كبير فى مصر و بره مصر. فى مصر اخد جايزة الدوله التشجيعيه فى الاداب سنة 1970 و جايزة الدوله التقديريه سنة 1982، و كرمته ايطاليا بوسام الثقافه و لبنان ادته وسام الأرز بدرجة فارس.
دخل كمال الملاخ التاريخ بإكتشافه مراكب الشمس فى 26 مايو سنة 1954 و ده كان اكتشاف فريد لأثر من اثار الملك خوفو صاحب الهرم الكبير ، وبتتعرض دلوقتى بمتحف ملحق بمنطقة اهرامات الجيزة. مراكب الشمس اتلاقت فى حفرتين جنب هرم خوفو و كمال الملاخ اشرف على ترتيبها و ترقيمها و تركيبها و فى الاخر قدرت الدنيا تشوف مراكب الشمس كان شكلها ايه من 5000 سنه. كمال الملاخ كان وقتها مدير اعمال الاثار و رئيس قسم الهندسه فى هيئة الاثار المصريه.
اشتغل كمال الملاخ فى جورنال الاخبار (جورنال) و كان ريس القسم الفنى لدار اخبار اليوم (جورنال) وكان بيرسم يوميات 'الأخبار' و 'اخر ساعة' و'أخبار اليوم' و'الجيل الجديد' و كان برضه بيرسم مقالات توفيق الحكيم و محمد التابعى و عباس العقاد و سلامه موسى و كامل الشناوى و محمد حسنين هيكل.
وبعد مااستقال فى صيف 1957 من مصلحة الاثار ومن جرنال الأخبار راح واشتغل فى جورنال الاهرام و بقى نايب رئيس التحرير لغاية ما اتحال ع المعاش لكن فضل يحرر الصفحه الفنيه الاخيره المشهوره من الاهرام لاخر يوم فى حياته .
الف كمال الملاخ 32 كتاب منها:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.