From Wikipedia, the free encyclopedia
الكلب (الاسم العلمى: Canis lupus familiaris[1]) هو حيوان ثديى, من فصيلة الكلبيات, قريب من الذئب و الثعلب.[محتاج مصدر] و الانسان استانس الكلب من وقت طويل, و ليه اكتر من اهميه عند الانسان, ممكن يربيه على انه حيوان اليف بيعيش معاه لحد ممكن فى اودة نومه, و ممكن يستعمله فى الحراسه, او لحد فى الامن و كشف الجرايم لان الكلب عنده حاسة شم قويه. و فيه كلاب ممكن تقوم بدور مرشدين للعمى زى "جولدين تريفر"، او لرعاية الأغنام زى "انجليش شيبدوج (بوب تيل)". الكلاب بتستخدم كمان فى عمليات انقاذ الناس بعد الكوارث الطبيعيه زى الزلازل, و بتكشف عن المتفجرات اللى ممكن الارهابين يدسوها عشان يقتلوا الناس, فبطبيعة الحال الحراميه و الارهابيين بيكرهوا الكلاب.
| ||||
|---|---|---|---|---|
_(cropped).jpg) | ||||
| الاسم العلمى | Canis lupus familiaris | |||
| الاسم العام | (بالانجليزى: Dog) | |||
| رمز يونيكود | 🐕، و🐶 | |||
 معرض صور كلب - ويكيميديا كومنز | ||||
تعديل  | ||||
نوع الكلب و شكله وحجمه وامكانياته هى اللى بتحدد دوره فى حياة الانسان. زى كلاب الحراسه اللى فى الغالب بتكون كبيره وشرسه, اما الكلاب اللى بيربيها الناس لانهم بيحبوها و بيكونو ساعات اصحابهم وبالذات لان الكلب وفى و مخلص جدا مع صاحبه, بتكون اكتريتها صغيره و اليفه. مع ان الكلب حيوان وفى و جميل
جايز ان الكلب هو اقدم الحيوانات المستأنسه او على الاقل من من اقدمها و رسوماته موجوده فى رسومات المصريين القدام فى العصور الفرعونيه و كان اياميها بيستخدم فى الصيد لكن اكيد مرحلة الاستئناس كانت قبل كده بحوالى الف او الفين سنه و ده لان تطوير الحواس و الغرايز ما بتكونش بتدريب فردى لكن بالوراثه و دى عمليه بتاخد ميات السنين. النهارده ممكن عمل نوع جديد من الكلاب فى فتره اقل من ميت سنه عن طريق البحث العلمى و التدقيق فى الاختيارات لكن فى العصور القديمه الحاجات دى بطبيعة الحال ماكانتش متاحه. الانجليز عملوا الكلب " البول دوج " و ده كلب نظره ضعيف و شمه مش قوى لكن لطيف و آلوف جداً مع ان سنانه جامده و لو هبر فى حاجه بسنانه بيبقى صعب تخليصها منه. و عملوا كمان كلاب رعاية الغنم زى البوب تيل ( اينجليش شيب دوج ) و غيره اللى بيفهوا أوامر الرعاه و بيعملوله شغله فى رعى الغنم ، و كلاب الرعى الانجليزى بتعتبر بوجه عام متفوقه فى شغلها عن كلاب الرعى التانيه اكمن الانجليز عملوا اختيارات احسن فى عملية الخلط.
كراهية ناس من العرب للكلاب و الاعتقاد فى نجاستها قايمه على جهالات و موروثات غلط. و لو رجعنا للعصور القديمه حانلاقى ان المصريين القدام قدسوا حيوانات كتيره لكن الكلب ماكانش منهم و ده لان المصريين كانو بيحبوا القطط جداً و كانت حيوانتهم المفضل فى بيوتهم و الكلب عندهم كان بيعتبر نجس زى العرب. المصريين كانو بيقدسوا ابن آوى و ده كان بسبب الاحترام و الخوف منه و كان الاله أنوبيس و اكمنه كان شبه الكلب لغاية النهارده فيه مصريين بيتشأموا من عوى الكلاب. لكن مش كل العرب كانو بيعتقدوا ان الكلب نجس و كان فيه عرب بيربوا الكلاب و بيحبوها بسبب وفاءها و امانتها و حرصها على صحابها ، و فيه كتاب للامام ابو بكر بن خلف بن المرزبان كتبه سنة 387هـ و فيه اشعار جميله و قصص بتمدح الكلب منها قصة ان النبى محمد شاف واحد مقتول فسأل عن سبب قتله فقالوله انه نط على غنم ابى زهره و اخد شاه فهجم عليه كلب الماشيه و قتله. فقال النبى : " قتل نفسه و أضاع دينه وعصى ربه عز وجل وخان اخاه. و كان الكلب خيراً من ده الغادر " و كمل : " ايعجز احدكم ان يحفظ اخاه المسلم فى نفسه واهله، حفظ ده الكلب ماشية أربابه ؟ "
و قال ابن المرزبان فى كتابه ان : " والكلب، ايدك الله، منافعه كثيره فاضلة على مضاره،لكن هى غامرة وغالبة عليها " و قال ان القضاه و الفقها و الولاه و النساك لو كان شافوا فى الكلب حاجه وحشه كانو قالوا و منعوا تربيته و كمل "لكن عندهم انهم اذا قتلوا الكلب كان فيه عقوبه ". ابن مرزبان عمل قايمه طويله بمنافع و فضايل الكلب.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
