From Wikipedia, the free encyclopedia
فلسطين منطقه جغرافيه على الساحل الشرقى للبحر المتوسط و الناحية الغربيه نهر الاردن قايمه عليها دلوقتى دولة اسرائيل و منطقه بيعيش فيها عرب. تاريخى، ماكانش ليها حدود معينه لوقت طويل من الزمن، بس اتعرف على انها كانت دايم بتشمل المنطقه بين البحر المتوسط و نهر الاردن، و كانت متاخمه لمصر من جهة الشرق. جغرافى بتتكون من تلت مناطق هيا
| ||||
---|---|---|---|---|
![]() | ||||
البلد | ![]() ![]() ![]() | |||
الارض و السكان | ||||
احداثيات | 31°37′31″N 35°08′43″E | |||
القاره | اسيا | |||
الحكم | ||||
التأسيس والسيادة | ||||
بيانات تانيه | ||||
[[تصنيف: غلط فى قوالب ويكى بيانات|]] | ||||
![]() | ||||
تعديل مصدري - تعديل ![]() |
المؤرخين العرب فى القرون الوسطى اعتبرو منطقة فلسطين جزء من الشام بتسكنها قبايل و كانت متقسمه على اعمال بتديرها الدول اللى كانت بتحكم شرق البحر المتوسط زى الدوله الايوبيه و الدوله المملوكيه. منطقة فلسطين بشكلها الجغرافى الحالى عمرها ماكانت فى التاريخ بلد او دوله إلا مرتين، مره وقت مملكة بيت المقدس اللاتينيه و مره بعد تأسيس دولة اسرائيل.
عبر التاريخ شافت المنطقه دى حروب و معارك و صراعات كتيره بين امبراطوريات و ممالك و كانت ساحه مفتوحه للمعارك بين جيوش الامم, الصراعات القديمه فى عصور ماقبل الميلاد ما كانتش بسبب مقدسات و لا كان ليها ابعاد دينيه ، بس كانت صراعات على السيطره على منطقة شرق البحر المتوسط. منطقة فلسطين فى حد ذاتها ما كانتش بلد ليها اى لازمه غير مقدساتها المهمه جدا بالنسبة للفلسطينيين والوطن العربي. ارض المعارك والغزوات العسكريه بتحارب الجيوش بعضها ،وكانت بين الجيوش الاسيويه اللى رايحه على مصر و جيش مصر اللى رايح على اسيا.
تقريباً كل القوى اللى ظهرت فى الشرق الادنى سيطرت على منطقة فلسطين، زى المصريين، و الاشوريين، و البابليين، و الفرس ، و اسكندر الاكبر و خلفائه بطالمة مصر و السلوقيين ، و الرومان و البيزنطيين .[1] فى العصور الوسطى فضلت المنطقه دى تأدى دورها القديم كساحه للمعارك بين الامم وان خدت الصراعات ساعات شكل دينى و حصلت فيها معارك كبيره زى معركة حطين و معركة عين جالوت و غيرها و فضلت على الوضع ده لغاية ما قامت عليها دولة اسرائيل سنة 1948.
بعد ما طرد المصريين الهكسوس من مصر حوالى سنة 1567 ق.م .[2] ، و طاردوهم و حاصروهم تلت سنين فى " شاروهين " جنب العريش فى سينا لغاية ما طردوهم بره حدود مصر الشرقيه فى منطقة فلسطين اللى بيعتقد انها كانت المكان اللى جم منه او اتجمعو فيه [3][4]، ابتدى المصريين من الزمن ده يتنبهوا لأهمية حماية مصر بره حدودها فى اسيا ، فبدأ عصر التوسع المصرى فى اسيا و ابتدت مصر تفرض سيطرتها على منطقة فلسطين و سوريا من عصر تحوتمس الاول ( 1525 - 1512 ق.م ) ، و فى عهد الملك تحوتمس التالت (1504 - 1450 ق.م ) وصل جيشها لغاية الفرات ، و اسس امبراطوريه مصريه واسعه بعد ما عدى فلسطين و خاض معركة مجيدو بنجاح حوالى سنة 1457 قبل الميلاد. الامبراطوريه المصريه كانت بتشمل مناطق فلسطين و سوريا اللى لما دخلها المصريين كانو متقسمين سياسى على امارات صغيره كتيره و ما كانتش فيه دوله محدده سايداها[5]
فى عهد الملك امنحوتب الرابع ( 1369 - 1354 ق.م ) انشغلت مصر بموضوع دينى-سياسى بعد ما امنحوتب عمل دين جديد و سمى نفسه اخناتون ، و ساب طيبه و راح على عاصمته الجديده اخت اتون (تل العمارنه) ، و دخل فى صراع مع كهنة امون. فى الفتره دى ابتدت قوى جديده تظهر على مسرح الاحداث فى اسيا.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.