ممثله و مغنيه مصريه From Wikipedia, the free encyclopedia
سعاد حسنى البابا Soad Hosni Elbaba (26 يناير 1943 القاهره - 21 يونيه 2001 لندن) ممثله مصريه مشهوره اتلقبت بسندريلا السينيما المصريه والعربية .
| ||||
|---|---|---|---|---|
 | ||||
| معلومات شخصيه | ||||
| اسم الولاده | (بالعربى: سعاد حسني البابا) | |||
| الميلاد | 26 يناير 1943 | |||
| الوفاة | 21 يونيه 2001 (58 سنة) | |||
| مواطنه |  | |||
| الزوج | على بدرخان زكى فطين عبد الوهاب ماهر عواد (1987–2001) | |||
| الاب | محمد حسنى البابا | |||
| اخوه و اخوات | ||||
| الحياه العمليه | ||||
| المهنه | ممثله ، ومغنيه ، وممثلة افلام | |||
| اللغه الام | اللغه المصريه الحديثه | |||
| اللغات المحكيه او المكتوبه | اللغه المصريه الحديثه | |||
| بداية فترة العمل | 1959 | |||
| المواقع | ||||
| IMDB | صفحتها على IMDB | |||
| السينما.كوم | صفحتها على السينما.كوم | |||
تعديل مصدري - تعديل  | ||||
اتولدت سعاد حسنى البابا يوم 26 يناير 1943 فى حى بولاق ابو العلا بالقاهره لعيلة فنية ، والدها محمد حسنى البابا اللى كان من اكبر الخطاطين هيا اخت المطربة نجاة الصغيره من الأب ، وجدها لأبوها هوه المغنى السورى حسنى البابا واللى كان هاجر لمصر فى سنة 1912 ، امها مصرية هيه جوهرة محمد حسن . ترتيب سعاد حسنى بين اخواتها كان العاشر بين 17 أخ و أخت منهم اختين شقيقتين هما كوثر وصباح و 8 من والدها و 6 من والدتها . انفصل ابوها عن امها وعمرها 5 سنين ، بعد كده امها اتجوزت مفتش التربية والتعليم عبد المنعم حافظ اللى تولى تربيتها هيه وشقيقتيها . سعاد حسنى مااتعلمتش كتير فى المدارس ، لكن اتعلمت فى بيتها بمساعدة جوز أمها .
اشتغلت سعاد حسنى فى الفن وهى طفلة صغيرة مع بابا شارو واكتشفها للسينما عبد الرحمن الخميسي، بعدين عملت فى أدوار متعددة، وحين فاقت شهرتها الآفاق لقبت بسندريلا الشاشة العربية. اتجوزت من المخرج صلاح كريم، ومن المخرج على بدرخان، ثمبعد كده من كاتب السيناريو ماهر عواد. عملت فى التلفزيون فى مسلسل (هو وهى)، كمان اخدت جوايز كتيرة عن أفلام (الحب اللى كان) و(غروب وشروق) مع صلاح ذو الفقار ورشدى اباظه. و نافست الفنانة فاتن حمامه فى أن تكون نجمة القرن العشرين، واستطاعت بخفة أن تقدم مسيرة من الغناء والتمثيل والاستعراض جعلتها ملكة فى قلوب الجماهير .
سعاد حسنى اتجوزت خمس مرات: كان الاولانى المطرب عبد الحليم حافظ (1960-1965) و هو جواز عرفى أكده البعض و أنكره البعض الآخر، و كان التانى المصور والمخرج صلاح كريم (1966-1968) وانتهى بالطلاق، و كان التالت المخرج على بدرخان (1970-1981) وانتهى زواجهما ايضا بالطلاق، و كان الرابع طالب معهد السينما زكى فطين عبد الوهاب سة 1981 وانتهى زواجهما بالطلاق بعد شوية شهور، لإعتراض والده المخرج فطين عبد الوهاب على ذلك الجواز، و كان الخامس السيناريست ماهر عواد (1987-2001) وماتت وهى على ذمته.
![Thumb](#/media/ملف:A_Shooting_at_the_scene_of_"People_on_the_Top"_-_1981.jpg)
فى يوم 21 يونيه 2001 ماتت سعاد حسنى فى ظروف غامضة بعدما وقعت من بلكونه الشقة اللى كانت ساكنة فيها فى الدور السادس من برج ستيوارت تاور فى منطقة ميدا فيل فى غرب لندن ، فيه ناس كتير بتقول انها اتقتلت لان سلك البلكونه المتين اتقطع و لانها اترمت بعيد كذا متر واللى بينتحر ما يقدرش ينط مش مسافه صغيره و لان ما طلعش منها دم و لان اللى كانت معاها فى الشقه قالت لسمير صبرى انها ماتت قدامها و بعد كده انكرت انها قالت كده .
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
