ممثل و مغنى مصرى From Wikipedia, the free encyclopedia
عبد الحليم حافظ ، الاسم الفنى لـ عبد الحليم على شبانة (الحلوات، الشرقيه، 21 يونيه1929 - لندن، 30 مارس1977) ، مغنى مصرى كبير من اشهر المغنيين المصريين. اتلقّب بـ " العندليب الاسمر " اشتهر بالغنا الرومانسى و بيعتبر من احسن المغنيين فى الشرق الاوسط فى زمنه.
معلومات سريعة عبد الحليم حافظ, (بالمصرى: عبد الحليم حافظ) ...
اتولد عبد الحليم حافظ يوم 21 يونيه سنة 1929 فى الحلوات مصر. امه ماتت بعد ولادته ابوه مات قبل ما يبقى عنده سنه و بقى يتيم. دخل معهد الموسيقى قسم تلحين سنة 1943 و قابل الملحن كمال الطويل اللى كان فى قسم الغنا و اتخرجوا سنة 1949 و اترشح انه يسافر برّا بس اتلغى الترشيح و اشتغل مدرس فى طنطا و الزقازيق و القاهره. استقال من التدريس و اشتغل عازف فى فرقة الراديو سنة 1950 على الة الابوا Oboe. اول اغنية غناها كانت "صافينى مره" اللى لحنها محمد الموجى, و قصيدة لقاء كمال الطويل بس الناس رفضتهم. بعد كده حقق النجاح. اشتغل مع ملحنين مهمين زى محمد الموجى و كمال الطويل و بليغ حمدى و محمد عبد الوهاب, اللى لحن له اغانى تانيه كتير (اهواك, نبتدى منين الحكايه, فاتت جنبنا).
بليغ حمدى و معاهم الشاعر محمد حمزه كانت من اغانيهم:
زى الهوا, سواح, حاول تفتكرنى, اى دمعة حزن لا, موعود.
غنا قصايد بالعربى من كلمات نزار قبانى, زى اغنية ”قارئة الفنجان“ و ”رسالة من تحت الماء“ , الاغنيتين من الحان الموسيقار محمد الموجي.
مات سنة 1977 فى لندن فى مستشفى كينجز كولدج King's College و كان عمرة 48 سنه, بسبب نزيف لدوالى المريئ نتجت عن فشل كبدى سببته بلهارسيا قديمة وزاد من خطورته اصابته التهاب كبدى الفيروسى سى (انجليزى: Hepatitis C) بسبب نقل دم ملوث.
غنّا 230 اغنية و منهم اغنية ظهر بصوته بس ”ليه تحسب الايام“ فى فيلم ”الوداع“:
رغم الشهرة الكبيرة اللى يتمتع بها عبد الحليم حافظ، لكن هناك عدد كبير من أغانيه لا يعرفها كثير من الناس، والسبب الحقيقي هو ان هذا الإنتاج الإذاعي لا يتم اذاعته وهو مملوك للإذاعة المصرية زى باقي إنتاجه وهذا السبب نتج عنه شىء من الندره وتم الاعتقاد أنه تراث مجهول ولكنه معلوم لكثير من المؤرخين والاذاعيين المصريين المخضرمين وقد قدمت الاذاعة بعض منها من خلال برنامج منتهي الطرب مع ابراهيم حفنى وساعة طرب اعداد واخراج سيد عبد العزيز علي موجات اذاعة الاغاني ، وإذا حسبنا عدد الأغاني اللى قدمها في الأفلام سواء بالصوت والصورة أو بالصوت فقط إضافة إلى الأغاني المصوره في التلفزيون نجد أن عددها يمكن أن يصل إلى 112 أغنيه تقريباً، وهذا العدد لا يكاد يشكل نص عدد أغانيه البالغة حوالي 231 أغنية في المتوسط ، كمان لم تأخذ في الحسبان الأغاني اللى هي بحوزة بعض أصدقاء عبد الحليم، واللى هي غير متاحة للتداول التجاري .
فتاة النيل: للشاعر احمد مخيمر, الحان محمد الموجى, اخراج كامل يوسف.
معروف الاسكافى: للشاعر ابراهيم رجب, الحان عبد الحليم على, اخراج عثمان اباظة.
وفاء: للشاعر مصطفى عبد الرحمن, الحان حسين جنيد, اخراج اسماعيل عبد المجيد.
حليم فيلم روائى عن حياة عبد الحليم, اتعرض فى شهر يوليو سنة 2006, انتاج ”عماد الدين اديب“, اخراج ”شريف عرفَه“. عمل بطولته ”احمد زكى“ اللى مات وقت تصويره. هيثم احمد ذكى ابن احمد زكى اشترك فى تمثيل الفيلم.
العندليب حكاية شعب: مسلسل تليڤزيون, مثّل دور عبد الحليم حافظ الممثل ”شادى شامل“, و شاركه التمثيل ”عبلة كامل“ و ”كمال ابو رايَه“.
.svg)
.svg)
