كلاود هينرى دى روفروى كونت سان سيمون Claude Henri de Rouvroy comte de Saint-Simon ( باريس ، 17 اكتوبر 1760 - 19 مايو 1825 ) ، فيلسوف و مفكر اشتراكى يوتيبى فرنساوى كبير من اللى مهدو بأفكارهم للثوره الفرنسيه و من ألمع اصحاب الفكرى الثورى فى تاريخ اوروبا. اتعرفت افكاره بالسانت سيمونيه Saint-Simonianism. اثرت افكاره على ممفكرين كتار منهم اوجست كومت Auguste Comte ، و كارل ماركس Karl Marx ، و جون ستيوارت ميل John Stuart Mill ، و اوجوستان تييرى Augustin Thierry.
| ||||
|---|---|---|---|---|
| (باللغه فرنساوى: Claude-Henri de Rouvroy de Saint-Simón) | ||||
 | ||||
| معلومات شخصيه | ||||
| الميلاد | 17 اكتوبر 1760 [1][2][3][4][5][6] | |||
| الوفاة | 19 مايو 1825 (65 سنة)[1][2][7][4][5] | |||
| مواطنه | .svg) | |||
| الزوج/الزوجه | سوفى باور (ملحن) (1801–1802) | |||
| الحياه العمليه | ||||
| تلاميذ مشهورين | اوليند رودريجويس ، وبارثيليمى پروسپير انفانتين ، واوجست كونت | |||
| المهنه | صحفى ، ومؤرخ ، وكاتب [8]، ومهندس ، وسياسى | |||
| اللغه الام | لغه فرنساوى | |||
| اللغات المحكيه او المكتوبه | لغه فرنساوى [9][10] | |||
| اتأثر بـ | فيليكس ڤيك دازير ، وبييير جون جورج كبانيس ، وكزافييه بيشا ، واوجوستان تييرى | |||
تعديل مصدري - تعديل  | ||||
بيتحسب على علما الاجتماع و الاقتصاديين و فيه بيعتبروه مؤسس علم الاجتماع ، لكن هو نفسه كان بيعتبر ان ميدانه هو الفيزيا الاجتماعيه La Phisique Social حيث انه كان بيعتقد إن عن طريق تحليل المجتمع تحليل فيزيائى ممكن ان التاريخ يبقى علم يقينى زى أى علم طبيعى.
عكف سان سيمون على دراسة تاريخ اوروبا من وقت سقوط الامبراطوريه الرومانيه ، و وصل لنتيجه ان التاريخ بيتلخص فى صراع متواصل بين العاملين ( زراع و صناع ) اللى بيسميهم " الطبقه التالته " Tiers-etat من جهه ومن جهه تانيه الطبقتين الاعلى طبقة النبلا ( الملوك و الاقطاعين ) وطبقة كبار رجال الدين ( الاكليروس ) اللى بيستفيدوا من جهود العاملين. شرح سان سيمون ازاى الملوك ايدو الطبقه التالته فى صراعها مع امرا الاقطاع فى فترة العصور الوسطى ، و كان من مظاهر التأييد انهم ادو حقوق لسكان المدن ( التجار و الصناع ) اللى كانو بيكرهو امرا الاقطاع بسبب استغلالهم ليهم، و نتيجه للصراع ده ظهرت المدن الصناعيه الغنيه Les Bourges و سكانها البرجوازيين Les Bourgeoisاللى اتزعمو الطبقه التالته فى نضالها ضد امرا الاقطاع و بعد كده قادوها فى صراعها ضد الملوك فى احداث الثوره الفرنساويه و الفتره اللى بعدها. و بكده سان سيمون كان من اول المفكرين اللى اخدو بالهم ان صراع المصالح الاجتماعيه او مصالح الطبقات الاجتماعيه هى السبب لالرئيسى فى الحركه التاريخيه ، و اول المفكرين اللى اتنبهو لحرب الطبقات و حرب المصالح و دورها الكبير فى حركة التاريخ. اتلمذ على ايد سان سيمون مفكرين كتار كان من ضمنهم اوجوستان تييرى Augustin Thierry.
مصادر
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
