مرض From Wikipedia, the free encyclopedia
داء الكلب (بالانجليزى Rabies virus) هوا مرض بيسببه فيروس داء الكلب.
داء الكلب او السعار هوا مرض فيروسى بيصيب كل الحيوانات الثديية زى الكلاب والقطط والأجاموس والاغنام والحيوانات البرية زى الثعالب والخفافيش والظربان بس منتشر اكتر فى الفصيلة الكلبية ينتقل عن طريق العض وممكن يصيب الأنسان ويسببله الوفاة.[4]
- العض هيا اكتر طرق الاصابة وبتحدث عن طريق عض حيوان مصاب لحيوان سليم او الانسان وده علشان الفيروس موجود فى لعاب الحيوان وبيحتاج جرح علشان يقدر يدخل جوه الجسم.[5]
- ممكن تحصل الاصابة كمان عن طريق الخدوش بس الطريقة دى هيا الاقل احتمال فى الحدوث
- فى طريقة كمان بس من النادر انها تحصل هيا عن طريق دخول الفيروس من خلال الأغشية المخاطية للجسم.
فترة الحضانة هيا الفترة من حدوث الاصابة لغاية ظهور الأعراض، وممكن توصل فى داء الكلب لحوالى 4 شهور او لحد لسنة[6]، ولان فترة الحضانة تعتبر طويلة فالانسان ممكن ميفتكرش انه اتعض من كلب او حيوان مسعور وميربطش الاعراض اللى عنده بالعضة اللى كانت من شهور طويلة قبل كده، وطول فترة الحضانة بيعتمد على كذا حاجة:
1- مكان الاصابة: كل ما كانت الاصابة قريبة من المخ والحبل الشوكى (الجهاز العصبي) كل ما كانت فترة الحضانة قصيرة وده علشان الفيروس بيمشى فى الأعصاب الطرفية ومش بتحصل الاعراض الا لما يوصل للمخ والحبل الشوكي.
2-قوة العضة: كل ما كانت العضة قوية وعميقة كل ما قصرت فترة الحضانة.
3- كمية الفيروس المحقونة فى العضة: كل ما تزيد كمية الفيروس فى لعاب الحيوان المسبب للعضة كل ما تقصر فترة الحضانة.
اعراض داء الكلب هيا صداع و تهيجيه و خوف و الم و شلل و ترجيع و هلوسه و توقف القلب و رهاب الضو و فرط افراز اللعاب و مذل و توسع الحدقه و فرط الحركه و ارق و النفضان و رهاب الضوضاء و توقف التنفس.
- فى الاول هتلاحظ وجود جرح او خدش على الحيوان وده ممكن يكون دليل انه اتعض من حيوان تانى و بعد كده هتظهر مجموعة من الاعراض العامة [7] اللى هتستمر من 3-5 أيام زي:
- أرتفاع فى درجة حرارة الحيوان.
-شعور بالتعب والاجهاد
الحيوان ملوش نفس ياكل وفاقد للشهية.
- تغير فى مزاج الحيوان وبيكون عصبى بزيادة
بعد كده هتيجى المرحلة التانية [8] من الأعراض واللى هتستمر من 3-4 أيام زي:
- هيجان للحيوان اول مايسمع اصوات عالية او يشوف الاضاءة والنور.
- رد فعله بيكون عنيف قدام حاجات ممكن تكون عادية.
- الحيوان هيبدأ يعض اى حاجة قدامه زى الخشب وممكن يعض كمان الانسان.
بعد كده هتيجى المرحلة التالتة والأخيرة من المرض واللى هتنتهى بموت الحيوان والاعراض فيها هتكون:
- صعوبة شديدة فى البلع مع وجع.
- شلل فى الرجل وعضلات الوجه.
- سيلان اللعاب بصورة كبيرة وممكن يكون قوامه سميك
- شلل فى عضلات التنفس ويموت الحيوان.
للأسف مفيش علاج لمرض السعار او داء الكلب ولو ظهرت الأعراض على الحيوان يبقى هتنتهى حياة الحيوان [5] بس لو الحيوان اتصاب او اتعض واخد الطوعم بسرعة ممكن تكون فى فرصة لعلاجه ولازم يتم عزل الحيوان وملاحظته مدة متقلش عن 45 يوم علشان تتأكد هتظهر أعراض عليه ولا لأ، بس لو ظهرت اعراض يبقى مفيش فرصة للعلاج والحيوان للأسف هيموت.[9]
- احسن طريقة للوقابة من المرض هيا التحصين او الطوعم والمفروض الكلاب تتحصن عند عمر من 3-6 شهور و بعد كده يكون فى تحصين دورى كل سنة.
بينتشر مرض داء الكلب عن طريق عضات الحيوانات.
داء الكلب – صور وتسجيلات صوتيه و مرئيه على ويكيميديا كومنز (الإنجليزية)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
