From Wikipedia, the free encyclopedia
حى جاردن سيتى ، فى الاصل المنطقه دى كانت مغطياها ماية النيل و كانت برك و مستنقعات. لكن السلطان الناصر محمد بن قلاوون ( 1285 - 1341 )، تاسع سلاطين الدولة المملوكيه البحريه ، حولها لميدان كبير اتعرف باسم الميدان الناصرى ( نسبه للسلطان الناصر ) و حط فيها أشجار و ورود و حولها لمنتزه للناس . فى الميدان ده كانت بتتعمل عروض ضخمه راقيه و سباقات الخيل ، و كل يوم سبت و لمدة شهرين بعد يوم وفاء النيل كان الناصر بيركب حصانه من قلعة الجبل و حواليه فرسان كتار فى أجمل هدوم و يروحوا على الميدان و سط هتافات الحب من المصريين اللى كانوا بيحبوا الملك الناصر جداً. لما الملك الناصر عاز يبنى مبنى هناك و جابوا الطين من مكان بقى حفره اتحولت لبركه اتسمت البركه الناصريه.
| ||||
|---|---|---|---|---|
 | ||||
| البلد |  | |||
| التقسيم الادارى | محافظة القاهره | |||
| الارض و السكان | ||||
| احداثيات | 30°02′07″N 31°13′52″E | |||
| الحكم | ||||
| التأسيس والسيادة | ||||
 | ||||
تعديل مصدري - تعديل  | ||||
الموقع اللى فيه حى جاردن سيتى كان ضمن جناين بتتعرف باسم بساتين الخشاب ، و الحى القديم كان فى المنطقه المحصوره بين شارع المبتديان و شوارع الخشاب و البرجاس و النيل و مستشفى القصر العينى و شارع بستان الفاضل و بعد كده شارع الخليج و كان متقسم نصين ، القسم الشرقى بين شارع المنيره و الخليج و كان اسمه " المريس " ، و القسم الغربى كان بين شارع المنيره و شط النيل الشرقى ، و كان معروف باسم " الميدان الناصرى " و مكانه القصر العالى اللى اسمه دلوقتى " جاردن سيتى.
اتخطط الحى فى اوائل القرن العشرين ، لكن اللى خططوه و اللى أشرفوا على الحى نسيوا ان المنطقه دى بيرجع الفضل فى تأسيسها لواحد من أعظم حكام مصر على مر التاريخ الملك الناصر محمد بن قلاوون ، فلا سموا شارع باسمه و لا حطوا حاجه تفكر الناس بعظمة مصر ايام السلطان ده و عصر الدوله المملوكيه بوجه عام.
الحى فيه دلوقتى سفارات اجنبيه و مدارس و مكتبات.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
