حقوق الحيوان
From Wikipedia, the free encyclopedia
حقوق الحيوان او تحرير الحيوان هى فكرة بتقول إن المصالح الاساسيه للحيوانات لازم تاخد نفس الاعتبار والاهمية اللى بتاخدها المصالح المماثلة فى البشر.[2] المدافعين عن حقوق الحيوانات والمنادين بتحريرهم بيتناولو القضيه من وجهات نظر فلسفيه مختلفه، لكن كلهم بيتفقو على إن الحيوانات لازم ينظر ليهم على انهم شخصيات قانونيه واعضاء فى المجتمع الاخلاقى، وانهم مش ممتلكات، وانه ميصحش استعمالهم فى الاكل والكساء وكمواضيع تجارب، او فى مجالات التسلية والترفيه.[3][4]
فكرة منح حقوق للحيوانات بيدعمها علما قانونيين زى الان ديرشويتز بالانجليزى: Alan Dershowitz و لورنس ترايب بالانجليزى: Laurence Tribe من كلية حقوق هارفارد، [5] كلايتن روبى المحامى من تورنتو بيقول إن الحركة وصلت للمرحلة اللى وصلتها حركة حقوق المثليين على ايد 25 سنة.[6] قانون الحيوان بيدرس فى 110 من 180 كلية حقوق فى امريكا، وفى 6 كليات حقوق فى كندا، وبشكل روتينى فى الجامعات فى فصول الفلسفة أو فصول الأخلاق التطبيقية.[6][7][8]
فى يونيه 2008، اسبانيا بقت اول بلد تقدم قانون يعترف بحقوق الحيوان، وده حصل لما لجنة برلمانية عبر حزب وصت بإن الحقوق تكون ممتدة للقرود العليا، حسب مشروع القرود العليا لبيتر سنجر.[9]
النقاد بيقولو إن الحيوانات متقدرش تدخل فى عقد اجتماعى او تعمل اختيارات اخلاقيه، وعشان كده مينفعش اعتبارهم مالكين لحقوق، وده الموقف او الرأى اللى لخصه الفيلسوف روجر سكروتون، اللى بيكتب إن البشر بس هما اللى عليهم واجبات، و إن "النتيجة الطبيعية اللى مفيش مفر منها بتقول: إن البشر بس هما اللى ليهم حقوق." [10] حجة موازيه بتقول إن مفيش حاجه غلط فى استعمال الحيوانات كموارد إذا مكانش فيه معاناة مفيش داعى ليها، ودى وجهة النظر المعروفة برعاية الحيوان. .[11] كان فيه كمان نقد من جوه حركة حقوق الحيوان نفسها، لأشكال معينة من نشاط المدافعين عن حقوق الحيوان، وبشكل خاص تدمير مزارع الفرو ومعامل التجارب بواسطة جبهة تحرير الحيوان.
- شوف كمان : جمعية الرفق بالحيوان.
|