From Wikipedia, the free encyclopedia
جامع عمرو بن العاص او جامع عمرو هوه اول جامع تم بناؤه فى مصر و فى افريقيا كلها سنه 642.الجامع تم بناؤه فى مدينة الفسطاط ، العاصمه الجديده لمصر فى نفس المكان اللى نصب فيه عمرو بن العاص خيمته. الجامع لسه بيعتبر لحد انهارده من اهم الجوامع فى منطقة مصر القديمه فى القاهره و بتتقام فى الصلوات الخمسه و بينهم بيتفتح الجامع للسياح و الزوار. الجامع الاصلى كان بسيط و من غير عواميد مسلحه و لا مدن و سقفه كان عباره عن جريد نخل و خشب و طوله كان 29 متر و عرضه 17 متر.الجامع اتهد و اتدمر و اتعاد بنايته كام مره على مدى التاريخ لدرجة انه من الصعب دلوقتى تحديد شكل و مواصفات الجامع الاصلى.
| ||||
---|---|---|---|---|
البلد | مصر | |||
التقسيم الادارى | محافظة القاهره ، والجيزة | |||
الطراز | عماره اسلاميه | |||
اتسمى لـ | عمرو ابن العاص | |||
إحداثيات | 30°00′37″N 31°13′59″E [1] | |||
تعديل |
سنه 673 امر الخليفه معاويه بن ابى سفيان انه يتعاد بنايته بالكامل من تانى و كان اول مره يتعمل ليه 4 مدنات فى اركان الجامع الاربعه و زود مساحة الجامع الكليه للضعف. الخليفه عبد العزيز بن مروان هده و عاد بنايته بالكامل مره تانيه سنه 698 و فى سنه 837 اتعاد بنايته على ايد العباسيين و ضاعفو مساحته. بعد ما اتحرقت مدينة الفسطاط على ايد الصليبيين ، صلاح الدين الأيوبي عمل ليه ترميم شامل سنه 1172.الجامع دخل فى دورات هدم و اعادة بنا و ترك فى الاخر و اتدهورت حالته خالص لحد زمن وصول نابوليون بونابارت لمصر سنه 1798.
المبنى الحالى للجامع اتبنى فى القرن التاسع عشر و لسه محتفظ ببعض التصاميم و الزخارف القديمه اللى اتضافت ليه على مر التاريخ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.