From Wikipedia, the free encyclopedia
جامع (نطق: /ˈɡæmeʕ/) او مسجد /ˈmæsɡed/ او مصلى /ˈmɑsˤlɑ/, هو مكان المسلميين بيمارسوا فيه الطقوس الدينيه و الصلوات, بما فيهم صلاة الجمعه. اتسمى جامع عشان بيجمع الناس فى ذكر الله و الصلا. فى ناس بيسموه جامع عشان المسلم هناك بيسجد لله و هو بيصلى. فيه صلوات معينه بتتصلى فى الجماعه او فى الجامع زى صلاة الجمعه. المسلمين بيعرفوا ان وقت الصلاه جه و يروحوا الجامع بعد ما الادان بيأدن. اغلب الجوامع, خصوصا الكبيره منها, بتتميز بشكل معمارى جميل.
| ||||
---|---|---|---|---|
![]() | ||||
![]() | ||||
![]() | ||||
تعديل ![]() |
الجامع فى العاده ليه مأذنه لكن مش شرط ان الجامع يكون له مأذنه و ممكن يكونله اكتر من مأذنه. من اشهر انواع المآذن دى و اجملها المآذن المملوكيه فى مصر و من اشهرها جامع الغورى فى القاهره و المآذن العثمانيه فى تركيا زى فى جامع السلطان احمد فى استنبول اللى بتتميز برفعها. فيه جوامع بتبقى للصلا بس و فيه جوامع بتتقال فيها خطب الجمعه ، و فيه جوامع بتبقى فيها انشطه اجتماعيه و مدارس دينيه و مكتبه و عشان كده كانت بتتسمى ساعات مدرسه ، من اشهر المدارس دى مدرسة الناصر محمد بن قلاوون و مدرسة السلطان حسن فى القاهره. الجامع الجامع هو الجامع الرئيسى و كان فى العاده بتبنيه الدول الناشئه و من اشهر المساجد الجامعه دى فى مصر كان جامع عمرو بن العاص و جامع احمد بن طولون و الجامع الازهر.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.