الپوليجاميه Polygamy ( من اليونانى بوليس جاموس πολύς γάμος : جواز متعدد ) هى جواز الراجل او الست لأكتر من ست او راجل فى نفس الوقت. البوليجاميه مش معناها تعدد الزوجات لكن كمان تعدد الأزواج. فى حالة جواز الراجل من اكتر من ست فى نفس الوقت بيتسمى پوليجينيه Polygyny ، و فى حالة جواز الست لأكتر من راجل بيتسمى پولياندريه polyandry. لكن اكمن جواز الراجل من اكتر من ست فى العصر الحديث هو اللى بيحصل زى فى المجتمعات الاسلاميه بقى مصطلحين بوليجاميه و پوليجينيه بيستخدمو زى بعض بمعنى جواز راجل من كذا ست فى نفس الوقت.
الپوليجاميه كانت موجوده فى العصور القديمه تقريباً فى كل المجتمعات البدائيه لكن ماكانتش سايده بطريقه كبيره. سبب النوعيه دى من الجواز جنسيه و اقتصاديه حيث ان الراجل بيبقى عنده كذا ست عشان يمارس معاهم الجنس و يرضى شهواته ، و فى نفس الوقت اكمن فى الجواز ده فى العاده الراجل بيصرف على ستاته فلازم تكون عنده قدرات ماليه ، و فى نفس الوقت بتضطر الستات فى العاده من الجواز من راجل متجوز بسبب الفقر و العوزه الماديه. فى النوعيه دى من الجواز بتظهر مشاكل بين الستات المتجوزين راجل واحد بسبب الغيره ، فلازم يكون الراجل حكيم و دبلوماسى و احتيالى عشان يقدر يرضى ستاته جنسى و مادى ، و عشان كده بتبقى واحده من ستاته هى الريسه و فى العاده بتكون مراته الاولانيه ، و الجنس بيتم بالدور بحيث ان الراجل يلف على ستاته واحده واحده حسب جدول معين من غير مايبين انه بيفضل الممارسه الجنسيه مع واحده عن التانيه.
فى النظام الپوليجامى الراجل ممكن يعيش ستاته فى بيت واحد لكل واحده جناح خاص بيها بيزوره الراجل عشان يمارس الجنس وياها حسب الدور ، او ممكن يسكن ستاته كل واحده فى بيت منفصل و برضه يزورهم بالدور ، و فيه حالات احتياليه ممكن يكون الراجل فيها متجوز اكتر من ست فى نفس الوقت من غير مراته الاولانيه ماتكون عارفه ، و ممكن كمان كل ستاته مايكونوش عارفين و بيحتال عليهم كلهم ، و ممكن يتجوز واحده رسمى و يتجوز الباقى جواز مش متسجل بيتسمى جواز عرفى فى المجتمع الاسلامى. او لحد بيتجوزهم كلهم عرفى و بيطلقهم و بيتجوز غيرهم بنفس المكر و الخداع. بطبيعة الحال البوليجاميه فى المجتمعات البدائيه اللى مسموح فيها بالجواز البوليجامى البوليجيميه حاجه عاديه المجتمع متفق عليها و بيصرح بيها و ليها وظيفه اجتماعيه مش وظيفه جنسيه و بالتالى مافيهاش جواز من كذا ست من غير مايكونو عارفين ان الراجل متجوز غيرهم ، و لا جواز عرفى و احتيالات على الذات و الغير للحصول على الجنس بطرق ملتويه بتصور لأصحابها انهم بكده مابيعملوش حاجه غلط و مش داخلين فى نطاق " الإباحيه " مع انهم فى الواقع متورطين فى اقبح انواع الاباحيه.
نظام الحريم بيختلف شويه عن الپوليجاميه لكن ممكن يكون پوليجاميه فى حالة جواز الملك او الامير من اكتر من واحده رسمى و فوقيهم بيعاشر محظيات جنسياً. المجتمعات الاسلاميه عرفت نظام الحريم اللى فيه الملك او الامير كان بيبقاله ستات كتيره بيمارس معاهم الجنس فوق ستاته الرسميين. المحظيات دول كانو بيتسمو " مولدات " و كان الملك او الامير بيزورهم هما كمان لتفضية شهواته الجنسيه. ساعات وصلت اعداد المحظيات دول فى قصور الملوك للالاف. ده مع ان الجنس بالنسبه لعامة الناس بره الجواز كان بيعتبر تابو و اباحيه و بيعاقب عليه الملك اللى بيعملوه بالجلد و الرجم لحد الموت مع انه كان معبى فى قصره أعداد ضخمه من الستات من كل صنف و لون بيمارس الجنس وياهم.
بطبيعة الحال الجواز البوليجامى مابيتشجعش فى المجتمعات الغربيه الحديثه و ضد القانون ، حيث ان المجتمعات دى مفتوحه و الراجل مش محتاج انه يتحايل على عدد من الستات فى نفس الوقت عشان يمارس الجنس و يفرغ شهواته بطريقه فيها نفاق و كذب و خداع للذات و احتيال على الستات ، و من ناحيه تانيه اكمن فى المجتمعات الغربيه الستات بيشتغلو و بيكون ليهم دخل و فى حالة بطالتهم بياخدو اعانات ماليه من الدوله زيهم زى الرجاله فبالتالى مهماش محتاجين مادى انهم يتجوزو راجل متجوز يفوت عليهم بالدور.
- بوليجينيه
- بولياندريه
- نظام الحريم
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
