الميكانيكا الكميه
From Wikipedia, the free encyclopedia
الميكانيكا الكمية وبتتعرف برضوا على أنها الفيزيا الكمية أو النظرية الكمية( و بالعامية بنسميها الكوانتم ميكاكنس أو ميكانيكا الكم ) ( والكم هو اسم بيدل على أصغر كمية من الطاقة ممكن نتبادلها بين الجسيمات ) هى فرع من فروع الفيزيا و الى بتتعامل مع الظواهر الفيزيائية ودا فى المقاييس النانوسكوبية و المقاييس دون الذرية و لما بيكون الحدث على حسب ثابت بلانك. الميكانيكا الكمية بعيدة بشكل اساسى عن الميكانيكا الكلاسيكية فى عالم الكم للمقاييس الذرية و الى تحت الذرية. الميكانيكا الكمية بتقدم الوصف الرياضى لكتير من الاجسام الثنائية زى تصرف الجزيئات و الامواج وتفاعلات الطاقة, وبتقدم برضوا اطار قوى ومفيد عن الجدول الدورى للعناصر الحديث بما فيهم تصرف الذره وهى فى روابط كيميائية, وكان ليها دور مهم جدا فى تطور تقنيات جديدة كتير.
| ||||
---|---|---|---|---|
الاسم المختصر | (بالانجليزى: QM) (بالاسپانى: MC) (بالفرنساوى: MQ) (بالاطالى: MQ) (بالڤييتنامى: CHLT) (بالروسى: КМ) | |||
جزء من | فيزيا حديثة | |||
تعديل |
فى مواضيع متقدمة شوية فى الميكانيكا الكمية, بعض التصرفات دى بتكون ميكروسكوبية وبتظهر فى الظروف القاسية ( عالى جدا او قليل جدا ) زى الطاقة ودرجة الحرارة (تماما زى استخدام المغناطيس فائق التوصيل). على سبيل المثال, الزخم الزاوى ( كمية الحركة الزاوية) لاكترون فى ذره او جزئ بتكون كمية. والعكس, فى حين ان الزخم الزاوى للالكترون مش مرتبط بحاجة بيكون مش كمى. وفى مفهوم ميكانيكا الكم, ازدواجية الموجة و المادة لطاقة او مادة و مبدا عدم التأكد لهايزنبرج بيقدم رؤية واحدة لسلوك الفوتونات والاكترونات, وغيرها من الاجسام بالمقياس الذري.
فى القرن 19 , الميكانيكا الكلاسيكية و الالكتروديناميكا الكلاسيكية ظهر فيهم شوية عجز عن وصف النظام الميكرسكوبى ( زى تصرف الجسيمات ) الميكانيكا الكمية اتأسست فى بداية القرن 20 على ايد علما كتير منهم ماكس بلانك , نيلس بور , ڤرنر هايزنبرج , ارڤين شرودينجر , ڤولفجانج باولى , برولى , ماكس بورن , فيرمى , ديراك , اينشاتين. ولما كانت الميكانيكا الكمية بتتطور كانت رؤية الناس لبنية المادة بتختلف كتير عن الاول . ومن الوقت دا النظرية الذرية و النظرية الجسيمية للضوء ( زى ما اتطورت على ايد اينشتاين )).[1] كانت اول النظريات المقبولة على مستوى واسع على انها حقيقة علمية وممكن نعتبر النظريات دى نظريات كمية للمادة والاشعاع الكهرومغناطيسى على التوالى. النظرية الكمية القديمة اتعملت فى نص العشرينيات , هايزنبرج و ماكسويل و ماكس بورن و باسكال عملو ( ميكانيكا المصفوفات ) : لويس دى برولى و شرودينجر عملوا ( الميكانيكا الموجية ), باولى و ساتيندرا ناث بوز عملوا ( الاستاتيكا تحت الذرية ) .وبقى تفسير كوبنهانجن للعالم نيلس بور مقبول بشكل كبير. وفى التلاتينيات الميكانيكا الكمية اتوحدت وبقت رسمية ودا بفضل شغل دافيد هيلبرت, ديراك و جون فون نيومان[2]
الصيغ الرياضية لميكانيكا الكم بتكون صيغ تجريدية . المعادلة الرياضية زى الدالة الموجية الى بتقدم معلومات حولين كمية الأحتمالات سواء فى موقف , فى زخم او الخصائص الفيزيائية التانية, واى تلاعب رياضى فى الدالة الموجية بيكون منطوى تحت منهج برا - كيت والى بيحتاج فهم كويس لارقام معقدة و الدالة الخطية. الدالة الموجية بتعامل المادة على انها مذبذب تناسقى كمى والرياضة هى اقرب حاجة ممكن توصف صدى الصوت.
كتير من نتايج الميكانيكا الكمية صعب نتصورها تحت مفهوم الميكانيكا الكلاسيكية. زى مثلا, فى نموذج الميكانيكا الكمية اقل حالة للطاقة لنظام معين, او زى ما بتتسمى بالحالة الارضية مابتكونش صفر على عكس العادة ( الحالة الارضية بتكون صفر لما بتكون طاقة الحركة بتساوى صفر "الجسم ساكن" ). وعلى عكس الاستاتيكا العادية الى بتقول ان طاقة الحركة = صفر مش بتتغير , الميكانيكا الكمية بتسمح بديناميكية اكتر زى احتمالات الفوضى , ودا طبقا ل جون ويلر.