![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c5/Egypt.Giza.Sphinx.01.jpg/640px-Egypt.Giza.Sphinx.01.jpg&w=640&q=50)
القومية المصريه
وحدة المصريين / From Wikipedia, the free encyclopedia
شوف كمان: مدرسة الفكر الوطنى المصريه
![Thumb image](http://upload.wikimedia.org/wikipedia/commons/thumb/1/1e/Nahdet_masr.jpg/640px-Nahdet_masr.jpg)
القومية المصرية هى مفهوم اتبلوَر فى القرن ال19، و رغم ان المصريين اسسو اوّل دولة قومية فى التاريخ من اكتر من 5000 سنة [1]، الا انهم و بسبب الاحتلال الاجنبى الطويل نـِسيُو الهتهتم القومية و دياناتهم و أعيادهم و لحد لغتهم ابتدت تظهر بدايات القومية المصرية الحديثة مع سنة 1890 اما وقعت مصر تحت الاحتلال البريطاني، و كان لازم على الحركة دى التوليف بين تلات عوامل و موكونات للشخصية المصرية: الفرعونية و المسيحية و الاسلامية
من اوّل سنة 1890 و لحد نُص القرن ال20 و مصر فيها قوتين عكس بعض، كل واحدة فيهم بتحاول تشكل الوعى القومى و الهوية المصرية على المستويين: الاقتصادى والاجتماعي. القوة الاولانية بتدعو للتقدم و تبنى القيم الاوروبية اللى تنفع مع المصريين و القوة التانيه بتدعو للتمسك بالقيم العربية-الاسلامية.
القوة الاولانىانية اتكونت اساسا من المصريين اللى درسوا فى اوروبا و نادو باحياء القومية المصرية اللى كانت موجودة قبل الاحتلال العربى لمصر و بتقوم على اعادة الحياة للتراث الفرعونى المصرى اللى حكم العالم كله زمان. ومن اشهر الناس دول احمد لطفى السيد و طه حسين و سلامة موسى و بيومى قنديل و من المعاصرين زاهى حواس و اسامة انور عكاشة,واللى كان قبل كده تبع القومية العربية لحد ما اقتنع بعد كده و نشر مقال مشهور فى جرنان الاهرام اسمو "ايزيس تشرق بدموعها " وقال فيه ان العربية ثقافة مش قومية, وغيرهم كتير.
- القوة التانية اتشكلت اساساً من المتعلمين المصريين التقليديين و اللى شافوا مصر جزء من المحيط الثقافى العربى الاسلامي، و دعو للوحدة العربية و لحد للوحدة الاسلامية و دى كانت بتشكل اكبر معارضة للقوة الاولانىانية المرتبطة بالتراث المصرى القديم مع بعض الولع بالحضارتين اليونانية و الرومانية.