الملك الظاهر ابو الفتح ططر الظاهرى ( 1366 - القاهره، 21 ديسمبر 1421 ) ، تامن سلاطين الدوله المملوكيه الجركسيه فى مصر. اتنصب سلطان على مصر فى 8 اغسطس 1421 ، و اتسمى ططر لإن فى العاده الجراكسه كانت تسمية المولدين على اسم اول واحد يدق باب بيتهم بعد ولادة العيل. لما اتولد ططر كان اول واحد يدق الباب راجل ططرى فسموه ططر. ططر كان السلطان المملوكى الوحيد اللى اتنصب فى الشام مش فى مصر .
| الظاهر ططر هوه حاكم مصر رقم 431 |
|---|
| ||||
|---|---|---|---|---|
| معلومات شخصيه | ||||
| تاريخ الميلاد | القرن 14 | |||
| تاريخ الوفاة | 30 نوفمبر 1421 | |||
| معلومات تانيه | ||||
| المهنه | سياسى | |||
تعديل مصدري - تعديل  | ||||
ططر كان وصى على السلطان الرضيع شهاب الدين ابو السعادات و اتجوز امه " سعادات " أرملة السلطان المؤيد ابو النصر شيخ و بعدين خلع ابنها و اتسلطن مكانه و طلقها تانى يوم من خوفه منها ، و بيتقال انها انتقمت منه و سمت فرشة سريره فاتوفى و اتدفن فى قرافة القاهره و هو عمره خمسه و خمسين سنه بعد ما حكم حوالى حداشر شهر منهم اربعه و تسعين يوم كسلطان رسمى.
الظاهر ططر كان راجل خير و شكله جميل و بيعتبر من احسن المماليك الجراكسه و كان بيحب الادب و العلم. خلف ولد سماه محمد اللى قعد على عرش مصر بعده و هو عنده حداشر سنه بإسم الملك الصالح ناصر الدين محمد ابو السعادات و بنت اتجوزت الأشرف برسباى اللى بقى سلطان سنة 1422.
وصفه المقريزى بإنه كان متدين و طيب و كريم لكن كان فيه طيش و متعصب للمذهب الحنفى ، و كلف الدوله فلوس كتيره فى فترة حكمه بالرغم من قصرها فده تعب اللى حكم بعده. بيختم المقريزى ترجمة الظاهر ططر بقوله : " ولم تطل ايامه لحد تشكر أفعاله او تذم ".
المؤرخ البدر العينى ارخ لحياة الظاهر ططر فى كتاب اسمه " الروض الزاهر فى سيرة الملك الظاهر " ططر " ".
للظاهر ططر درهم فريد من نوعه اتنقش على ناحيه واحده بس كنيته " الملك الظاهر ابو الفتح ".
- ابن تغرى : النجوم الزاهرة فى ملوك مصر و القاهرة, الحياة المصرية ، القاهرة 1968.
- محمود بن احمد البدر العينى ، الروض الزاهر فى سيرة الملك الظاهر " ططر " ، دار الانوار ، القاهره 1370هـ
- المقريزى : السلوك لمعرفة دول الملوك, دار الكتب, القاهرة 1996.
- شفيق مهدى ( دكتور) : مماليك مصر و الشام, الدار العربية للموسوعات, بيروت 2008.
| شهاب الدين ابو السعادات | مدة الحكم: تلت تشهر و يومين | الصالح ناصر الدين محمد |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
