الملكة احمس نفرتارى عميدة الاسره المصريه التمنتاشر Ahmose-Nefertari و اللى الهها المصريين القدماء حسب معتقداتهم.[1]
معلومات سريعة احمس-نفرتارى, الملكه ...
|
الملكه
|
ال مرات الملكية العظيمه و ألقاب تانيه
|
الملكه احمس نفرتارى زى ما اتصورت فى مقبرة انحور خعو (TT359) |
|
معلومات شخصيه |
الزوج/الزوجه |
أحمس الأول |
|
تعديل مصدري - تعديل ![طالع توثيق القالب](//upload.wikimedia.org/wikipedia/commons/thumb/3/38/Info_Simple.svg/12px-Info_Simple.svg.png) |
إغلاق
كانت احمس-نفرتارى مرات الملك احموس الاول محرر مصر و طارد الهكسوس والآسيويون, و مؤسس الاسرة الثامنة عشر - اعظم الاسر الحاكمة فى مصر. حكم من 1550 ق.م. لحد 1525 ق.م. لعبت مراته احمس نفرتارى دور بارز فى المعركة اللى انتهت بطرد الغزاه من مصر و كانت اول ست فى التاريخ بتتقلد منصب قيادة فرقه عسكريه كامله و قاتلت بكفاءه شديده.[2]
كانت والدة نفرتارى اياح حتب مرات الملك سقنن رع تاعا التانى من ملوك الاسره السبعتاشر, و اتلاقى نقوش بتوضح ان اعح حتب كانت بتشارك و عندهاكامس و احمس فى الحكم فى حرب التحرير للتخلص من الهكسوس.
و بيعتقد ان احمس و نفرتارى موش من اب واحد و بيظهر احمس و ليه نفس لون المصريين فى الوقت نفسه بتظهر نفرتارى بلون اسود.
انجبت نفرتارى سبع ابناء تلات اولاد مات منهم اتنين و اربع بنات مات منهم تلاته, و الابناء اللى فضلو عايشيين هما امنحتب الاول و اعح حتب الثانية, و اتجوزت اخوها امنحتب الاول.
وقت وفاة احمس الاول بقت الوصى لابنها امنحوتب الاول, و لحد تمكن من بلوغ السن و يصعد العرش, و معروف انها كانت لسا عايشه فى السنة الاولى من عهد تحوتمس الاول, بكدا, يبدو انها كانت لسا عايشه بعد ابنها امنحوتب الاول.
اسم احمس نفرتارى وجد فى سينا و جزيرة ساى و كانت مشهوره, و كانت اول ملكة بتاخد مركز الزوجه الآلهيه لآمون.
عاشت نفرتارى فى حكم جوزها و ابنها امنحوتب الاول و حفيدها تحتمس الاول, و فيه ليها تمثال فى معبد الكرنك.
- الاميرة الوراثية.
- سيدة العطاء.
- عظيمة الثناء.
- ام الملك.
- المرات الملكية العظيمة.
- مرات الاله.
- المتحدة مع التاج الابيض.
- بنت الملك.
- اخت الملك.
زى ما كانت الملكة تلقب بكل احترام بلقب "الهة البعث", ويمكن القول انها كانت المراة الاكثر تبجيلا فى التاريخ المصرى على الاطلاق.[3]
فى سنة 1914 اكتشفت مقبرة احمس نفرتارى فى اعلى وادى الملوك عند الحافة الشمالية لذراع ابو النجا.
فى منطقة طيبه - و خاصه فى قرية دير المدينه - تم ذكرها او تصويرها فى فى حوالى 50 مقبرة خاصه و كميه اكبر من القطع الاثريه اللى بتمتد ما بين عهد تحوتمس التالت لحد نهاية الاسرة العشرين.[4][5] لما مات امنحتب, بقى مركز لطائفه دينيه جنائزيه فى القريه, و بقى بيتعبد بصفته "امنحتب البلده". لما ماتت الملكه, تم تاليهها كمان و بقت "عشيقة السماء" و "سيدة الغرب".[6][7]
فى معظم التصويرات الملونه لاحمس-نفرتارى, بيتم تصويرها باللون الاسود,[8] فى الوقت نفسه فى حالات قليلة كان لون بشرتها ازرق.[9] فى سنة 1939 جادل فليندرز بيترى بان ما وصفه بـ "الملكة السوداء" ممكن تكون من اصل نوبى, لكنه اعترف كمان بامكانية يكون لون البشرة رمزى.[10] فى سنة 1961, آلان جاردينر ما قدرش يفسير سبب التصوير الايقونى غير المالوف لاحمس-نفرتارى, و لكن بدراسة اصولها, استبعد تكون من "اصول سودا".[9] بالمقابل, فى كتابه المثير للجدل اثينا السوداء, اعتبر مارتن بيرنال لون بشرتها علامه واضحه على اصول نوبيه.[11] مؤخرا, اشار باحثين زى جويس تيلديسلى, سيجريد هودل-هونيس, و جراسييلا جيستوسو سينجر, بان لون بشرتها فى التصوير الفنى هوا رمز بيشير لدورها كالهه للبعث, لان الاسود هوا لون الارض الخصبه فى مصر و اللون المعبر عن العالم السفلى.[6][12][13]
- المقال ده مالوش وصلات على ويكيداتا دلوقتى
The Woman in Black, Graciela Gestoso Singer University & Heritage - Unesco World Heritage Centre
Shaw, Ian. The Oxford History of Ancient Egypt. Oxford University Press. 2000. (ردمك 0-19-280458-8)
Tyldesley, Joyce. Chronicle of the Queens of Egypt. Thames & Hudson. 2006. (ردمك 0-500-05145-3)
Tyldesley, Joyce (1996). "Hatchespsut: The Female Pharaoh", p.62, Viking, (ردمك 0-670-85976-1).
مارتن بيرنال (1987), Black Athena: Afroasiatic Roots of Classical Civilization. The Fabrication of Ancient Greece, 1785-1985, vol. I. New Jersey, Rutgers University Press
Hodel-Hoenes, S & Warburton, D (trans), Life and Death in Ancient Egypt: Scenes from Private Tombs in New Kingdom Thebes, Cornell University Press, 2000, p. 268.
معلومات سريعة احمس-نفرتارى على مواقع التواصل الاجتماعى ...
إغلاق