From Wikipedia, the free encyclopedia
هيرميس Hermes ( يونانى قديم : unicode|Ἑρμῆς) فى ميثولوچى اليونانى كان إله من آلهة جبل اوليمب الاتناشر و رسول الإلهه ما بينها و ما بين بعضها و ما بين الآلهه و البشر, كان كمان الرسول الخصوصى و الايد اليمين بتاع زيوس. كان إله الرياضه و الرياضيين و حامى الساحات و الاماكن الرياضيه خصوصن الجيمنازيوم و الإستاديوم, و إله التجاره و معروف انه اللى بيحمى قوافل التجار و القطعان من قطاع الطريق و الحراميه و كمان انه بقا المسؤول عن نقل ارواح الميتين لالعالم السفلى/تحتانى فى مملكة هيديس, بعد ما رجع سيزيف بعد ما هرب تانى مرة من العالم السفلى, و المسؤل عن الحظ و تقسيم الثروات. معروف فى الميثولوجى اليونانى انه مؤدب و محترم و طباعه كويسه, بس بالرغم من كدا مكار اوى و ساعات يبقا حرامى , بحسب اسطوره ليه فى يوم ولادته سرق قطيع بقر بحاله من اخوه الاله ابولو و استخدم مكره عشان يخبيهم بحيث ان محدش حتا الآلهه تعرف طريقهم, لما واجهه اخوه ابولو و اتهمه انه اللى سرق انكر هيرميس انه سرق او قرب من القطيع, بس فى الاخر اتصالح مع اخوه و اداله قيثاره, اللى ابولو اتشهر بيها بعد كدا, كان هيرميس عاملها بنفسه كهديه. فى الفنون اليونانيه الاولانيه اتصور علا انه راجل كبير بدقن, بس بعد كدا اتصور علا انه شاب صغير و رياضى و فضل علا كدا علا طول, معروف بانه بيمتلك صندل و برنيطه مجنحة بتساعده علا الطيران. كان زى إله الرومان مركورى Mercury .
| ||||
|---|---|---|---|---|
| (باللغه يونانى قديم: Ἑρμῆς) | ||||
 | ||||
| معلومات شخصيه | ||||
| الشريك | افروديت | |||
| الاب | زيوس [1] | |||
تعديل مصدري - تعديل  | ||||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
